O‘zbekistonda 13-may soat 10:00 holatiga ko‘ra koronavirusga chalinganlar soni 21 kishiga oshib, 2568 nafarga yetdi. Bu haqda Sog‘liqni saqlash vazirligi xabar bermoqda.

Qayd etishlaricha, yangidan kasallanganlarning 15 nafari xorijdan kelib, karantinga olinganlar, qolgan 6 nafari oldindan karantin kuzatuvida bo‘lgan fuqarolardir.

“Ayni paytda O‘zbekistonda davolanayotgan 518 nafar bemordan 12 nafari og‘ir ahvolda”, — deya xabar bermoqda Sog‘liqni saqlash vazirligi.

Eslatib o‘tamiz, hozirgacha O‘zbekistonda 2040 nafar kishi koronavirusdan sog‘aygan, 10 nafar bemor esa infeksiya asoratlari oqibatida vafot etgan.