Bugun,

  • USD 10940.05
  • RUB 182.26
  • EUR 11121.65

Germaniyada 6-may kuni maktablarni bosqichma-bosqich ochib, sport tadbirlarini davom ettirish sanasi muhokama qilinadi. Mamlakat hukumati saytida ma’lum qilinishicha, bunday qaror kansler Angela Merkelning mamlakat federal yerlari hukumati rahbarlari bilan bo‘lib o‘tgan videokonferensiyadan so‘ng qabul qilindi.

Foto: Getty Images

Foto: Getty Images

Bundan tashqari, hukumat bolalar maydonchalari, muzeylar, ko‘rgazma markazlari va galereyalar, hayvonot va botanika bog‘lari, yodgorliklar, diniy tashkilotlarni ochishni rejalashtirmoqda.

Germaniyada keng ko‘lamli ommaviy tadbirlar taqiqlanganligicha qolmoqda. Hukumatga ko‘ra, ularni o‘tkazishni qayta tiklash kamida 31-avgustga qadar qoldirilmoqda. Mamlakatda cheklov choralarini bekor qilish tartibi federal yerlar vakolatidadir.

Aprel oyi o‘rtalarida Germaniya kansleri Angela Merkel kelasi haftadan boshlab mamlakatda e’lon qilingan karantin choralarining qisman yengillashtirilishini bildirgandi. Mamlakatda maydoni 800 kvadrat metrdan katta bo‘lmagan velosiped va kitob do‘konlarining ochilishiga ruxsat etilishi, 4-maydan maktablardagi ta’lim qayta boshlanishi va sartaroshxonalar faoliyati ham tiklanishi aytilgan.

Germaniyada jami 163 009 nafar kishi koronavirus yuqtirib olgan. Mamlakat bu borada dunyoda 5-o‘rinni egallab turibdi. Biroq o‘lim ko‘rsatkichi bo‘yicha vaziyat ancha og‘ir, Germaniyada 6 623 kishi COVID-19’dan vafot etgan.

Izoh
Asosiy yangiliklar
Dunyo
Irlandiyadagi qamoqxonada “buyuk qochish”, sakkiz soatli ish rejimini qo‘llagan Genri Ford va qon quyish bo‘yicha birinchi muvaffaqiyatli amaliyot. Kun xronologiya...
Mahalliy
“Afg‘oniston iqtisodiyotini tiklash xalqaro hamjamiyatning umumiy ustuvor yo‘nalishi bo‘lishi kerak” — Vladimir Norov
Mahalliy
Foto: Dubay—Namangan—Dubay yo‘nalishida muntazam aviaqatnovlar yo‘lga qo‘yildi