Kim Kardashyan bilan bog‘liq hamma narsa mashhurlikka erishishi tabiiy hol bo‘lib qolgan. Oddiy tasodiflar, har birimizni kundalik turmushimizda yuz berishi mumkin bo‘lgan voqea-hodisalar, detal va jonzotlar Kimning sahifasida paydo bo‘lsa bormi, unga bosilgan layk va yozilgan izohlar ko‘pligini ko‘rib hayratlanadi kishi.
16-mart, dushanba kuni oqshomda Kardashyan tomonidan Twitter’da e’lon qilingan qisqichbaqa videosi buning isboti. Hello nashrining yozishicha, uyi yaqinida qisqichbaqani uchratib qolgan model uni videoga olib Twitter’ga joylagan.
Just confused how a lobster is walking on my street in Calabasas! What is happening?!?!?! pic.twitter.com/h5cy1IzTPI
— Kim Kardashian (@KimKardashian) March 16, 2020
“Men hayratdaman, qanday qilib qisqichbaqa Kalabasasdagi ko‘chamda kezib yurishi mumkin, nimalar bo‘lyapti o‘zi?! ?! ?!” — deb yozib qoldirgan yulduz.
Layk va izohlar o‘z yo‘liga ammo, oradan bir soat vaqt o‘tar-o‘tmas, Twitter’da Calabasas Lobster sahifasi ochildi. Sahifa obunachilari 3 mingdan oshib ketdi. Qisqichbaqa nomidan quyidagi mazmundagi postlar joylangan: “Men hozirgina Kim Kardashyanning uyi oldidan o‘tdim” va “Agar 1000 ta layk to‘plasam Kanye (Kardashyanning turmush o‘rtog‘i)ni tishlab olaman”. Postlar minglab layk va repostlar yig‘moqda. Ijtimoiy tarmoq foydalanuvchilari qisqichbaqani “Kebastyan” deb nomlashni va uni realiti-shou qahramoni qilishni taklif qilgan.
Izoh (0)