Floyd Meyvezerning amakisi vafot etdi

Sobiq bokschi, Floyd Meyvezerning amakisi va sobiq murabbiyi Rojer Meyvezer 58 yoshida vafot etdi.

So‘nggi yillarda Rojerning sog‘lig‘ida jiddiy muammolar kuzatilgandi. Floyd 2015-yilda amakisi boks tufayli xotirasining bir qismini yo‘qotganini aytgandi.

Rojer Meyvezer 1981—1999-yillar mobaynida boksda faoliyat yuritgan. U professional boksda 72 bor jang qilib, 59 ta g‘alaba va 13 mag‘lubiyat qayd etgan.

Avvalroq Floydning uch farzandining onasi 40 yoshli Jozi Harris o‘z mashinasida o‘lik holda topilgandi.