“Talabalarning uyga qaytayotganidan foydalanib, narxlarni ko‘tarmanglar”. DSQ viloyatga qatnovchi taksichilarga murojaat qildi

Davlat soliq qo‘mitasi raisi o‘rinbosari Abdulla Azizov o‘zining Facebook’dagi sahifasi orqali soliq qo‘mitasiga eng ko‘p shikoyat qaysi soha vakillaridan tushayotganini ma’lum qildi.

Abdulla Azizov ishonch telefonlari va Call-markazi ishlab turganini ta’kidlagan.

Rais o‘rinbosarining ma’lum qilishicha, markazga qo‘ng‘iroqlar bo‘lmoqda va xodimlar murojaatchilarning savollariga javob bermoqda. Ma’lum bo‘lishicha, eng ko‘p shikoyatlar viloyatlarga qatnovchi taksichilar ustidan tushmoqda.

“Hurmatli taksi haydovchilari insofli bo‘lib, talabalar o‘qishlari to‘xtatilib uyga qaytayotganlaridan foydalanib, narxlarni ko‘tarmanglar”, — deb yozadi Abdulla Azizov.