Toshkent avtovokzalida 15-mart kuni uzundan-uzoq navbatlar yuzaga keldi. Chipta uchun navbatda turganlarning aksariyati — talabalar, deb xabar beradi O‘zA.
Ta’kidlanishicha, ushbu vaziyat koronavirus sabab O‘zbekistondagi barcha OTM talabalari, maktab o‘quvchilari va maktabgacha ta’lim tashkilotlari tarbiyalanuvchilariga 16-martdan ta’til berilganligi fonida yuzaga kelgan.
Mutasaddilar o‘z o‘rnida vahima ko‘tarmaslikka chaqirmoqda. Barcha yo‘lovchilarni o‘z manzillariga yetkazilishi ta’minlanishi bo‘yicha choralar ko‘rilyapti.
Yo‘lovchilarni manzilga yetkazish uchun avtovokzaldan qo‘shimcha reyslar yo‘lga qo‘yila boshlandi.
“O‘zbekiston temir yo‘llari”ning ma’lum qilishicha, 16-mart kunida “Toshkent—Urganch” yo‘nalishi bo‘yicha qo‘shimcha reys yo‘lga qo‘yiladi. Shuningdek, yana uchta qo‘shimcha reyslar tashkil etiladi:
- 09:35 — reys 580/579 “Toshkent—Qarshi—Termiz—Qarshi—Toshkent”;
- 11:30 — reys 554/553 “Toshkent—Buxoro—Urganch—Buxoro—Toshkent”;
- 20:00 — reys 552/551 “Toshkent—Buxoro—Urganch—Buxoro—Toshkent”.
Avvalroq “O‘zbektemiryo‘lchi” kompaniyasi tomonidan Toshkent shahridagi Talabalar shaharchasida koronavirus sabab 16-martdan ta’tilga chiqarilgan talabalar uchun ko‘chma kassa tashkil etgani haqida xabar berilgandi.
Mavzuga doir:
Izoh (0)