Avval xabar berganimizdek, Prezidentning “O‘zbekiston Respublikasida turizm xizmatlarini yanada diversifikatsiya qilish chora-tadbirlari to‘g‘risida”gi qarori loyihasi muhokama uchun joylashtirildi.
Foto: O‘zA
O‘rmon xo‘jaligi qo‘mitasi, Ekologiya va atrof-muhitni muhofaza qilish, Davlat geologiya va mineral resurslar qo‘mitasi hamda Turizmni rivojlantirish davlat qo‘mitasi bilan birgalikda Qizilqum davlat qo‘riqxonasi va Hisor tog‘-archa davlat qo‘riqxonalarini ov turizmi uchun sharoitlar yaratgan holda milliy bog‘larga aylantirish bo‘yicha takliflar kiritadi.
Ekologiya va atrof-muhitni muhofaza qilish davlat qo‘mitasi, Ekologik partiya va jamoatchilikning hayvonlarga ov qilish uchun ruxsatnomalar berishga moratoriy joriy qilish bo‘yicha taklifi ma’qullanishi mumkin.
Belgilanishicha:
- moratoriy 2020-yil 1-martidan 2023-yil 31-dekabriga qadar amal qiladi;
- moratoriy davrida mas’uliyatli tashkilotlar tomonidan hayvonlarga ov qilish uchun ruxsatnomalar berish taqiqlanadi, ushbu bandda nazarda hollardan mustasno;
- moratoriy fan va tibbiyot maqsadlarida hayvonlarga ov qilish uchun ruxsatnomalar berishga amal qilmaydi.
O‘rmon xo‘jaligi qo‘mitasi va Ekologiya va atrof-muhitni muhofaza qilish qo‘mitasi ov turizmni rivojlantirish maqsadida Adliya vazirligi bilan birgalikda quyidagilarni nazarda tutuvchi taklif kiritadi:
- hayvonlarga ov qilish uchun davlat boji hamda to‘lovi qiymatini oshirish;
- brakonyerlik uchun, ayniqsa, Qizil kitobga kiritilgan hayvonlarga nisbatan mas’uliyatni kuchaytirish;
- ov uchun ruxsatnoma berish jarayonini elektron shaklga o‘tkazish;
- ov xo‘jaligining tegishli infratuzilmasini (fazenda, hayvonlar pitomnigi) rivojlantirishda davlat-xususiy sherikchilik mexanizmlarini birinchi navbatda Qoraqalpog‘iston Respublikasi, Buxoro, Navoiy, Jizzax, Sirdaryo viloyatlarida joriy qilish;
- Moliya vazirligi va Turizmni rivojlantirish davlat qo‘mitasi bilan birgalikda respublika o‘simlik va hayvonot dunyosini (flora va fauna) asrash va rivojlantirish bo‘yicha faoliyatini qo‘llab-quvvatlash, shu jumladan, grant mablag‘larini jalb qilgan holda moliyalashtirish bo‘yicha taklif ishlab chiqadi.
