Bugun,

  • USD 11095.31
  • RUB 173.84
  • EUR 10772.44

Oliy va o‘rta maxsus ta’lim vaziri Inomjon Majidov boshchiligida respublikadagi barcha oliy ta’lim muassasalari rektorlari, xorijiy oliy ta’lim muassasasi filiallari direktorlari, Kasbiy ta’limni rivojlantirish va muvofiqlashtirish hududiy boshqarmalari boshliqlaridan iborat delegatsiya Toshkent shahrida o‘z faoliyatini boshlagan ikkita ixtisoslashtirilgan maktab faoliyati bilan tanishdi.

Foto: Oliy va o‘rta maxsus ta’lim vazirligi

Foto: Oliy va o‘rta maxsus ta’lim vazirligi

Oliy ta’lim tizimi delegatsiyasi Abdulla Qodiriy nomidagi ijod maktabi va muzeyni borib ko‘rdi.

Ijod maktabida yaratilgan shart-sharoit va o‘quv jarayonlari bilan tanishish asnosida vazir oliy ta’lim muassasalari ijod maktablari bilan yaqindan hamkorlik qilishga, yosh iqtidor egalarini rag‘batlantirish doimo tayyorligini ma’lum qildi.

Foto: Oliy va o‘rta maxsus ta’lim vazirligi

Foto: Oliy va o‘rta maxsus ta’lim vazirligi

Delegatsiyaning Abdulla Qodiriy nomidagi ijod maktabiga tashrifi davomida muassasa jamoasiga Samarqand davlat chet tillari instituti rektori Ilhomjon To‘xtasinov tomonidan adib tavalludining 125 yilligiga bag‘ishlab ingliz tiliga tarjima qilingan “Mehrobdan chayon” va “O‘tkan kunlar” romanlari sovg‘a qilindi.

Shundan so‘ng guruh a’zolari Toshkent shahridagi yana bir yangi ta’lim maskani — Muhammad al-Xorazmiy nomidagi axborot-kommunikatsiya texnologiyalari yo‘nalishiga oid fanlarni chuqurlashtirib o‘qitishga ixtisoslashtirilgan maktab faoliyati bilan ham tanishdi.

Foto: Oliy va o‘rta maxsus ta’lim vazirligi

Foto: Oliy va o‘rta maxsus ta’lim vazirligi

Delegatsiya bu yerda o‘quvchi iqtidorini namoyon qilish uchun yaratilgan butun bir majmua: zamonaviy jihozlangan o‘quv xonalari, ilg‘or pedtexnologiya va innovatsion metodlardan foydalangan holda darslarning olib borilishi, darsdan tashqari paytda bola iqtidorini rivojlantirish uchun yo‘lga qo‘yilgan tizim, o‘quvchilar turar joylarida keng imkoniyatlar yaratilganligiga guvoh bo‘ldi.

Foto: Oliy va o‘rta maxsus ta’lim vazirligi

Foto: Oliy va o‘rta maxsus ta’lim vazirligi

Tashrif davomida Inomjon Majidov maktabda o‘quvchi vaqtini to‘g‘ri taqsimlash va dars jarayonlarini samarali olib borish, qolaversa, o‘quvchining iqtidorini rag‘batlantirish maqsadida ular bilan individual ishlashni yo‘lga qo‘yishda oliy ta’lim muassasalari professor-o‘qituvchilari bilan yaqindan hamkorlik qilishni taklif qildi.

Izoh
Asosiy yangiliklar
Dunyo
“Telegram’da kriptovalyuta savdosi va ularni saqlash vositalari bo‘ladi” — Durov
Mahalliy
O‘zbekistonda so‘nggi sutkada 154 kishida koronavirus qayd etildi
Sport
JCH—2022 da nimchorak finalning to‘rtta juftligi aniqlandi