Joriy yilning 10 oyi davomida boshqarma tomonidan xazonlarni va boshqa turdagi chiqindilarni yoqishni hamda ochiq alanga oldirib bitumni eritishni bartaraf etish bo‘yicha amalga oshirilgan 590 ta tezkor nazorat tadbirlari-reydlar davomida jami 528 ta huquqbuzarlik holatlari aniqlangan. Fuqarolar va mansabdor shaxslarga nisbatan 97549,964 ming so‘m jarima solinib 63711,23 ming so‘m undirib olindi. Bu haqda “Daryo” muxbiri xabar berdi.

Foto: “Daryo”

2019-yilda ko‘p qavatli uylar tomlarida bitumni ochiq alanga oldirib yoqish hamda joylarda qurilish materiallari va o‘zga chiqindilarni yoqish holatlari bo‘yicha 356 nafar fuqaro va mansabdor shaxslarga Ma’muriy javobgarlik to‘g‘risidagi kodeksning 88-moddasi 1-qismi bilan jami 39866,813 ming so‘m miqdorda jarimalar solinib, 36268,393 ming so‘m undirib olingan.

Joylarda xazon, o‘simlik qoldiqlari va somon poyalarini yoqib yuborilishi holatlari bo‘yicha 42 ta fuqarolar va mansabdor shaxslarga “Ma’muriy javobgarlik to‘g‘risida”gi kodeksning 88-moddasi 3-qismi bilan jami 41478,480 ming so‘m jarima solinib, 16095,990 ming so‘m undirib olingan.

Foto: “Daryo”

Viloyat Ekologiya va atrof-muhitni muhofaza qilish boshqarmasi axborot xizmatining ma’lum qilishicha, 2019-yil g‘alladan bo‘shagan dalalarda somon poyalarini yoqilishi holatlari bo‘yicha 37 nafar fuqarolar va mansabdor shaxslarga 37058,990 ming so‘m jarima solinib, 12791,500 so‘m undirib olingan. Shundan 1216,380 ming so‘m MIB orqali undirilgan. Qolgan 24267,490 so‘m qarzdorlik belgilangan tartibda majburiy undiruvga qaratilgan.

Foto: “Daryo”

2019-yilning 10 oyi davomida avtotransport vositalaridan atmosfera havosiga tashlanayotgan zaharli CO gazi va tutun miqdorini belgilangan me’yorlarga mos holati bo‘yicha “Toza havo” tadbiri va texnik ko‘rik davomida jami 25910 ta avtotransport vositalari asbob uskunaviy usullar bilan tekshirilgan bo‘lib, shundan 592 ta avtotransport vositalaridan tashlanayotgan zararli gazlar belgilangan me’yorlardan ortiqligi aniqlangan.