Жорий йилнинг 10 ойи давомида бошқарма томонидан хазонларни ва бошқа турдаги чиқиндиларни ёқишни ҳамда очиқ аланга олдириб битумни эритишни бартараф этиш бўйича амалга оширилган 590 та тезкор назорат тадбирлари-рейдлар давомида жами 528 та ҳуқуқбузарлик ҳолатлари аниқланган. Фуқаролар ва мансабдор шахсларга нисбатан 97549,964 минг сўм жарима солиниб 63711,23 минг сўм ундириб олинди. Бу ҳақда «Дарё» мухбири хабар берди.
2019 йилда кўп қаватли уйлар томларида битумни очиқ аланга олдириб ёқиш ҳамда жойларда қурилиш материаллари ва ўзга чиқиндиларни ёқиш ҳолатлари бўйича 356 нафар фуқаро ва мансабдор шахсларга Маъмурий жавобгарлик тўғрисидаги кодекснинг 88-моддаси 1-қисми билан жами 39866,813 минг сўм миқдорда жарималар солиниб, 36268,393 минг сўм ундириб олинган.
Жойларда хазон, ўсимлик қолдиқлари ва сомон пояларини ёқиб юборилиши ҳолатлари бўйича 42 та фуқаролар ва мансабдор шахсларга «Маъмурий жавобгарлик тўғрисида»ги кодекснинг 88-моддаси 3-қисми билан жами 41478,480 минг сўм жарима солиниб, 16095,990 минг сўм ундириб олинган.
Вилоят Экология ва атроф-муҳитни муҳофаза қилиш бошқармаси ахборот хизматининг маълум қилишича, 2019 йил ғалладан бўшаган далаларда сомон пояларини ёқилиши ҳолатлари бўйича 37 нафар фуқаролар ва мансабдор шахсларга 37058,990 минг сўм жарима солиниб, 12791,500 сўм ундириб олинган. Шундан 1216,380 минг сўм МИБ орқали ундирилган. Қолган 24267,490 сўм қарздорлик белгиланган тартибда мажбурий ундирувга қаратилган.
2019 йилнинг 10 ойи давомида автотранспорт воситаларидан атмосфера ҳавосига ташланаётган заҳарли СО гази ва тутун миқдорини белгиланган меъёрларга мос ҳолати бўйича «Тоза ҳаво» тадбири ва техник кўрик давомида жами 25910 та автотранспорт воситалари асбоб ускунавий усуллар билан текширилган бўлиб, шундан 592 та автотранспорт воситаларидан ташланаётган зарарли газлар белгиланган меъёрлардан ортиқлиги аниқланган.
Изоҳ (0)