Futbol bo‘yicha Italiya A Seriyasining 14-turi doirasida 1-dekabr, yakshanba kuni Mauritsio Sarri qo‘l ostidagi Turinning “Yuventus” klubi o‘z maydonida “Sassuolo”ni qabul qildi.
Foto: Reuters
Uchrashuv davomida “keksa sinyora” vakillari Leonardo Bonuchchi (20) hamda Krishtianu Ronaldu (68, penalti) raqib darvozasini ishg‘ol qilgan bo‘lsa, mehmonlardan Jeremi Boga (22) va Franchesko Kaputo (47) bittadan golga mualliflik qildi.
Shu tariqa Turin klubi o‘z uyida “Sassuolo” bilan durang o‘ynadi va bir ochkoga ega bo‘ldi.
Ma’lumot uchun, “Yuventus” 36 ochko jamg‘argan holda musobaqa jadvalida yetakchilik qilmoqda. “Sassuolo” esa 14 ochko bilan 12-o‘rinda bormoqda.
A Seriya
14-tur bahsi
1-dekabr, yakshanba
“Yuventus”—“Sassuolo” 2:2
Gollar: 1:0 – 20 Bonuchchi, 1:1 – 22 Boga, 1:2 – 47 Kaputo, 2:2 – 68, penalti Ronaldu.
“Yuventus”: Buffon, Bonuchchi, Aleks Sandro, de Ligt, Bentankur, Kuadrado, Djan (Matyuidi, 54), Pyanich, Bernardeski (Dibala, 53), Iguain (Remzi, 79), Ronaldu
“Sassuolo”: Turati, Tolyan, Romanya, Kiryakopulos, Marlon, Lokatelli, Boga (Peluzo, 90), Traore (Dankan, 62), Manyanelli, Djurichich (Myuldyur, 72), Kaputo
Ogohlantirishlar: Djurichich (39), Lokatelli (65), Tolyan (78), Kiryakopulos (81), Myuldyur (87), Pyanich (88)
Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @daryo_sport’ga obuna bo‘ling!
