Kolumbiya poytaxti Bogotada yashovchi Diana Lorena Alvares o‘z o‘g‘li kichkintoy Semyuel bilan ofisga ish joyiga kelgandi, deb yozmoqda Meduza.

Foto: Meduza

Bolakay karavotida xotirjam uxlayotganiga ishonch hosil qilgan ona o‘z ishlariga chalg‘ib qoldi. Bu vaqtda Sem uyg‘onadi va bir amallab karavotdan tushadi.

Polga tushib olgan bolakay endi oyisini qidirib, zinapoya tomon yo‘l oladi. Voqeadan xabar topgan ona ham chaqaloq tomon shoshildi, biroq ayoldan avval kichkintoyning hayotini ofisdagi mushuk qutqarib qoldi. Bolaning zinadan tushmoqchi bo‘layotganini payqagan jonivor uning yo‘lini to‘sib, ichkariga itarib yuborgan.