Singapur AQShni ortda qoldirib, dunyodagi eng raqobatbardosh iqtisodiyotga ega davlatga aylandi
Singapur AQShni ortda qoldirib, dunyodagi eng raqobatbardosh iqtisodiyotga ega davlatga aylandi. Bu haqda Butunjahon iqtisodiy forumida e’lon qilingan Jahon raqobatbardoshlik indeksiga tayanib, Spot xabar berdi.
Singapur 100 balldan 84,8 ball to‘plagan, Qo‘shma Shtatlar esa — 83,7 ball. Uchinchi o‘rin Gonkongga nasib etgan bo‘lsa, to‘rtinchi pog‘onadan Niderlandiya o‘rin oldi. Shuningdek, kuchli o‘nlikdan Shveysariya, Yaponiya, Germaniya, Shvetsiya, Buyuk Britaniya va Daniya o‘rin olgan.
Tahlilchilarning ta’kidlashicha, AQSh umumiy jihatda Singapurdan keyingi o‘rinda bo‘lishiga qaramay, hamon dunyoning innovatsiya markazi hisoblanadi. Qo‘shma shtatlar biznes o‘sishi bo‘yicha — birinchi, innovatsion imkoniyatlarda ikkinchi va malakali xodimlarni qidirish bo‘yicha birinchi o‘rinda.
Indeks raqobatbardoshlik aloqalari va rivojlanishning ikkita muhim omili — ijtimoiy hamjihatlik va ekologik barqarorlikdan kelib chiqib tuzilgan.
Bu kelajakda yashash uchun yagona variant bo‘luvchi samarali, past uglerodli, inklyuziv iqtisodiyot imkoni bo‘lgan “yengilmas” siyosiy makondan darak.
Mazkur indeksda jami 141 davlat qatnashgan bo‘lib, Markaziy Osiyodan uchta davlat qatnashgan — Qozog‘iston 55-o‘rinda, Qirg‘iziston 96-o‘rin va Tojikiston 104-o‘rinda. O‘zbekiston esa ushbu ro‘yxatda yo‘q.
