Bugun,

  • USD 10920.28
  • RUB 177.49
  • EUR 11052.42

“Al-Qoida”ning o‘ldirilgan yetakchisi Osama bin Ladenning o‘g‘li Hamza bin Laden AQSh maxsus operatsiyasi natijasida halok bo‘ldi. Bu haqda AQSh prezidenti Donald Trampning bayonotiga asoslanib, CNN xabar berdi.

Foto: The New York Times

Maxsus operatsiya Afg‘oniston va Pokistonning chegaradosh hududida o‘tkazilgan. Hamza bin Laden aynan qachon o‘ldirilganiga aniqlik kiritilmagan.

“Hamza bin Ladenning yo‘qotilishi ‘Al-Qoida’ni nafaqat yetakchilarning biridan mahrum qildi va uning otasi bilan ramziy aloqani yo‘qqa chiqardi, balki guruhning faol harakatlari oldini ham oldi”, — dedi Tramp.

AQSh Davlat departamentida 2019-martida Hamza bin Ladenning qayerda ekani haqida ma’lumot bergan shaxsga bir million dollar mukofot puli berilishini e’lon qilgan edi. Iyul oyida esa AQSh nashrlari o‘z manbalariga asoslanib, Hamza bin Laden o‘ldirilgani haqida yozdi. The New York Times kichik bin Laden AQSh ishtirokida 2017 yoki 2018-yilda o‘tkazilgan operatsiya vaqtida halok bo‘lgani haqida yozgan edi.

Hamza bin Laden — “Al-Qoida”ning o‘ldirilgan yetakchisi Osama bin Ladenning kenja o‘g‘li, uning 20 dan ortiq farzandlaridan biri edi. Xabarlarga ko‘ra, u 2001-yil 11-sentabrdagi teraktlari vaqtida samolyotlarni egallab olgan terrorchilardan birining qiziga uylangan edi.

Izoh
Asosiy yangiliklar
Mahalliy
O‘zbekistonning qator hududlarida 19-avgust kuni kuchli shamollar bo‘lishi mumkin
Mahalliy
Namanganda Qur’oni Karimning noyob qo‘lyozmasini o‘g‘irlab ketgan shaxslar qo‘lga olindi (video)
Mahalliy
Sirdaryoda Isuzu avtobusi gaz balloni portlagani yuzasidan jinoyat ishi qo‘zg‘atildi