AQSh harbiy aviatsiya delegatsiyasi O‘zbekiston Mudofaa vazirligi Havo hujumidan mudofaa qo‘shinlari va Harbiy havo kuchlari qo‘mondonligiga tashrif buyurdi. Tashrif davomida mehmonlar O‘zbekiston Harbiy-havo kuchlariga tegishli harbiy qismlardan birida joylashgan harbiy aerodromda hamkorlikdagi treninglar va parvozlarni amalga oshirdi. Bu haqda Mudofaa vazirligi Axborot va ommaviy kommunikatsiyalar departamenti “Daryo”ga ma’lum qildi.

Foto: Mudofaa vazirligi Axborot va ommaviy kommunikatsiyalar departamenti

Parvozlar turli iqlim sharoitlarida — tog‘li va sahro, tungi ko‘rish moslamalaridan foydalangan holda o‘tkazildi. Xorijlik harbiy mutaxassislar o‘zlarining nazariy tajribalari bilan bo‘lishganidan so‘ng, o‘zbekistonlik uchuvchilar olingan bilim va ko‘nikmalarni amalda sinab ko‘rdi. Buning uchun ikkita maxsus vertolyot tayyorlanib, hamkorlikda parvozlar amalga oshirildi.
Ta’kidlanishicha, juda past balandlikda kuchli kesishgan hududlarda parvozlarni amalga oshirish eng murakkab jarayon hisoblanadi. Bu kabi sharoitda uchish uchun katta tajribaga ega professional uchuvchilar tanlab olinadi. AQShdan kelgan harbiy uchuvchilar o‘zbekistonlik uchuvchilar yordamida baland tog‘ daralari ustidan parvoz qilib, mahalliy hududning ajoyib manzaralarini suratga olishga muvaffaq bo‘ldi.

Foto: Mudofaa vazirligi Axborot va ommaviy kommunikatsiyalar departamenti

Foto: Mudofaa vazirligi Axborot va ommaviy kommunikatsiyalar departamenti

AQSh Qurolli kuchlari uchuvchisi podpolkovnik Bred Xouning qayd etishicha, tashrifdan maqsad — O‘zbekiston bilan vertolyot va transport aviatsiyasi sohasida uchuvchilarni tayyorlashda hamkorlikni olib borish.

Foto: Mudofaa vazirligi Axborot va ommaviy kommunikatsiyalar departamenti

“O‘zbekiston Harbiy-havo kuchlarining uchuvchilari boshqaruvida parvozlarni amalga oshirdik. To‘g‘risini aytaman, ular yuqori darajadagi parvozlarni namoyish etdi. Missisipi shtatidan bo‘lgan uchuvchilarimiz uchun bu haqiqiy master-klass. Bizda mashg‘ulotlar asosan tekkis hududlarda amalga oshiriladi, shu sabab uchuvchilarimizning tayyorgarlik darajasining oshishi uchun sizning tajribangiz muhim ahamiyatga ega”, — deydi Xou.

Foto: Mudofaa vazirligi Axborot va ommaviy kommunikatsiyalar departamenti