12:00, 12.09.2019 30620

ISFT: Angliya va Fransiya universitetlarining xalqaro moliya, biznes boshqaruvi va IT fakultetlari endi O‘zbekistonda

Yaxshi ish topishda oliy ta’lim diplomining borligi yetarli emas yoki universitet diplomi ishga kirishda juda muhim rol o‘ynamaydi, degan gaplarni ko‘p ishlatamiz. Bu bor gap! Nafaqat oliy ta’lim dargohini bitirib, diplomni qo‘lga kiritish, balki muhim bilimlar va tajribaga ega bo‘lish — yaxshi joyda ish boshlash imkonini beradi.

Toshkentdagi International School of Finance and Technology ta’lim dargohi esa xuddi shunday malakali kadrlar yetishtirishni asosiy maqsadi deb biladi. Buning uchun sifatli ta’lim beradigan bir nechta xalqaro universitetlarning eng talabgir fakultetlarini bir joyda jamlab, o‘zbekistonlik yoshlar uchun yangi imkoniyatlar eshigini ochmoqdamiz.

Bizda quyidagi yo‘nalishlar bo‘yicha qabul boshlandi (20-sentabrgacha):

Xalqaro moliya va buxgalterlik (bitiruvchilar Angliyaning Oksford-Bruks universiteti diplomi va xalqaro buxgalteriya bo‘yicha ACCA sertifikatini qo‘lga kiritishadi. Ta’lim muddati 4 yil — birinchi yil tayyorlov, 2-kursdan ingliz universiteti ta’limi boshlanadi);
Xalqaro biznes boshqaruvi (bitiruvchilar Fransiyaning European Global University universiteti diplomini qo‘lga kiritishadi. Ta’lim maksimum 4 yil davom etadi — birinchi yil tayyorlov, 2-kursdan Yevropa universiteti ta’limi boshlanadi);
IT – informatsion texnologiyalar (bitiruvchilar Fransiyaning European Global University universiteti diplomini qo‘lga kiritishadi. Ta’lim maksimum 4 yil davom etadi — birinchi yil tayyorlov, 2-kursdan Yevropa universiteti ta’limi boshlanadi).

ISFT ta’lim dargohi 2016-yilda tashkil qilingan bo‘lib, hozirgacha faqat “Xalqaro moliya va buxgalterlik” yo‘nalishida dars berardi. 2019—2020-o‘quv yili uchun esa European Global university’ning “Xalqaro biznes boshqaruvi” va “IT – informatsion texnologiyalar” fakultetlariga ham qabul boshlandi.

Talabalarimizga qanday imkoniyatlar taklif qilamiz

Ish bilan ta’minlash

Xalqaro ACCA tashkilotining sertifikati moliya hamda buxgalteriya sohasidagi dunyodagi eng nufuzli kasbiy-malakaviy hujjat sifatida katta obro‘ga egadir. Bugungi kunda dunyodagi hamda O‘zbekistondagi barcha moliya tashkilotlari, xususan banklar, xalqaro va milliy audit tashkilotlari, xalqaro moliyaviy konsalting kompaniyalari uchun bunday kadrlarga talab oshib borayotgaligining hisobiga ISFT bitiruvchilarining nafaqat O‘zbekiston, balki dunyo miqyosida ish imkoniyatlari keskin yaxshilanadi.

Dunyo bo‘ylab ACCA sertifikatiga ega xodimlar uchun taklif qilinayotgan ishlar ro‘yxatini jobs.accaglobal.com saytidan ko‘rish mumkin.

Soha bo‘yicha ish tajribasi va boshqa imkoniyatlar

Xuddi yuqoridagi kabi, European Global University (EGU)ning “Xalqaro biznes boshqaruvi” yoki IT ta’lim yo‘nalishida o‘qishni ixtiyor qilgan talabalar o‘qish davomida Yaponiya, Xitoy, Malayziya korxonalarida malaka oshirish hamda kelajakda ish o‘rniga ega bo‘lish imkoniga ega bo‘ladilar.
Shuningdek, talabalarning o‘qish davridayoq ularning biznes rejalarini moliyalashtirish hamda ularning o‘z muvaffaqiyatli bizneslarini barpo etishida amaliy yordam ko‘rsatish orqali talabalarda tashabbuskorlik va zamonaviy tadbirkorlikning boshqa amaliy hamda nazariy ko‘nikmalarini shakllantiriladi.

Chet el universitetlarining xodimlari imtihonlarni o‘tkazishi — sifatli ta’lim garovi

Talabalarimizga chet ellik va o‘zbek professorlari dars bersa ham, yakuniy imtihonlar chet el universitetlari tomonidan nazorat etiladi va biz bu jarayonga hech qanday aralasha olmaymiz. Shu bilan talabalar ham yolg‘on yo‘llar bilan imtihondan o‘tishlari hamda sifatsiz bilimda qolishlari oldi olinadi.

Yuqorida aytganimizdek, ISFT’da faqatgina diplom uchun o‘qilmaydi. Rostdan harakat qilgan, shu sohada o‘z kelajagini ko‘ra olgan, butun dunyoda yetuk, kerakli kadr bo‘lishni istagan yoshlargina bizda muvaffaqiyatli o‘qishadi.

Shuning uchun maxsus imtihonlar yordamida talabalarni saralab olmoqdamiz. Kirish talablari:

Ingliz tilidan bilim darajasi;
Matematikadan mantiqiy imtihon.

ISFT’da talabalikka tayyorlov kurslari ham tashkil etilgan. Ushbu kursda abituriyentlarning ingliz tili va matematika bilim darajalari oshiriladi. Talaba bo‘lish esa kafolatlanadi. Batafsil ma’lumot mana bu yerda.

Hujjat topshirganlar orasidan kvota bo‘yicha eng yuqori ball to‘plaganlar o‘qishga qabul qilinishadi va biz bir yil davomida ularni Oksford-Bruks va European Global University ta’lim tizimida qiynalmay o‘qishlari uchun tayyorlaymiz. Chunki, Angliya va Fransiyadagi abituriyentlar bilim darajasi o‘zbekistonlik abituriyentlar bilim darajasidan ancha yuqori.