“Daryo” o‘tib borayotgan haftaning qizg‘in bahslarga sabab bo‘lgan tvitlarini diqqatingizga havola etadi.

“Har yili dunyo ummonlariga 13 million tonna plastik chiqindi tashlanmoqda. Bu chiqindilarning 50 ming tonnasi Tailandga to‘g‘ri keladi. BMT Taraqqiyot dasturi va uning hamkorlari plastikdan ifloslanishga qarshi yangi harakatni boshladi”, – BMT.

“Men XX asr avlodiga mansubman, sizlar esa XXI asr avlodisiz. O‘tmish o‘tmishda qolishi kerak, biz o‘tmishni o‘zgartira olmaymiz. Ammo biz o‘tmishdan saboq olishimiz kerak. Bir narsa aniqki, insoniyatning kelajagi sizning qo‘lingizda”, – Dalay Lama.

“Xavfsizlik kamari insonlar hayotini qutqaradi. Turkiyada avtotransport bilan bog‘liq ko‘ngilsiz hodisalar asosan shaharlarda yuz beradi. Yirik avtohalokatlarda xavfsizlik kamarini taqib olgan yo‘lovchilarning 24,8 foizi hattoki tan jarohati olmasligi aniqlandi. Bu raqamlar xavfsizlik kamarining naqadar muhim ekanligini ko‘rsatmoqda”, – TRT Haber telekanali.

“Janubiy Kiprning grek hukumati Rossiya oldidagi qarzlarini to‘ladi”, – NTV telekanali.

“2018-yilda xalqaro turizmga eng ko‘p pul sarflagan mamlakatlar o‘ntaligi:

Xitoy – 277 milliard dollar;

AQSh – 144 milliard dollar;

Germaniya – 94 milliard dollar;

Buyuk Britaniya – 76 milliard dollar;

Fransiya – 48 milliard dollar;

Avstraliya – 37 milliard dollar;

Rossiya – 35 milliard dollar;

Kanada – 33 milliard dollar;

Koreya – 32 milliard dollar;

Italiya – 30 milliard dollar.

Aholisi 1,4 milliard bo‘lgan Xitoyning 10 foiz aholisi xorijga chiqar ekan. Bu ko‘rsatkich 2027-yilda 300 millionga yetishi taxmin qilinmoqda”, – Alper Ucho‘q, Germaniya turk sanoati va biznesi assotsiatsiyasi vakili.

“Bravo! Janubiy Koreya dunyodagi eng ma’lumotli mamlakatlardan bir ekan. Universitetlar bitiruvchilar soni dunyodagi eng yuqori bo‘lgan mamlakat. Bunday yutuq rivojlanish, mustahkam sog‘lik va uzoq umr ko‘rishga yo‘l ochadi”, – Erik Solxeym, norvegiyalik siyosatchi.

“Turkiya va fuqarolar urushi ketayotgan mamlakatlardagi inflyasiya darajasi:

Suriya – 1,1 foiz;

Liviya – 7,1 foiz;

Ukraina – 9,1 foiz;

Turkiya – 15,1 foiz”, – O‘zjon Qozio‘g‘li, Dunya gazetasi kolumnisti.

“Ayrimlarning fikricha, Britaniyaning yaxshi kunlari tarixga aylangan. Bunday odamlarga qarata men shunday javob beraman: ‘Siz qattiq adashyapsiz’”, – Boris Jonson, Buyuk Britaniya bosh vaziri.

“Yaponiyaga sayohat qilmoqchisiz, ammo yapon tilini bilmaslik sizni bu fikrdan qaytarmoqdami? U holda mazkur gadjetlar siz uchun suhbat qiladi”, – Bloomberg Tic Toc nashri.

“Tuxum Qora dengiz hududida bundan 300 yil oldin ham savdo mahsuloti bo‘lgan. Usmonlilar saltanati arxivi tarixiy hujjatlarida 1730-yillarda kimlar tuxum savdosi bilan mashg‘ul bo‘lgani holda Ukrainaning Varnensk portidan Istanbulga tuxum keltirgani haqidagi ma’lumotlar saqlangan. Bugun Ukraina muhim tuxum ekportchisidir”, – Ali Bulut, Ukrainadagi turk tadbirkori.

“Har 40 soniyada dunyoda o‘z joniga suiqasd qilish holati qayd etiladi. @WHO xalqaro sog‘liqni saqlash tashkilotidan maslahatlar, agar kimdir yordamga muxtoj bo‘lsa” – BMT.

“1970-yillarda Markaziy Osiyodan Moskvaga kelgan migrantlar”, – Rossiyani tadqiq qilish instituti.

Jahongir Ergashev tayyorladi.