O‘zbekistonlik MMA jangchisi Nursulton Ro‘ziboyev ishtirokidagi jangdan keyin yuzaga kelgan voqea ijtimoiy tarmoqlarda ko‘plab muhokamalarga sabab bo‘ldi.
Foto: Facebook/@Nursultan “Black” Ruziboev Fan
Ro‘ziboyev Qirg‘iziston mamlakati O‘sh viloyatida bo‘lib o‘tgan MMA kechasida jang o‘tkazgan. Sputnik’ning ma’lum qilishicha, Nursulton jangdan keyin O‘zbekiston bayrog‘ini yuqoriga ko‘tarmoqchi bo‘lgan paytda hakam unga to‘sqinlik qiladi.
Shundan keyin, Ro‘ziboyev Instagram ijtimoiy tarmog‘ida haqoratomuz videomurojaat qoldirib, birozdan keyin uni o‘chirib tashlagan.
Keyinchalik qirg‘izistonlik MMA hakami videomurojaat qilib, o‘zbekistonliklardan kechirim so‘radi va o‘zbek xalqini hurmat qilishini ta’kidladi.
Yanada ko‘proq MMA va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @daryo_sport’ga obuna bo‘ling!
