“Barselona”, “Real”, “Yuventus”. Yevropaning top-klublari yozgi transferlar vaqtida qanchalik o‘zgardi?

Yevropa futbolida navbatdagi “katta qayta qurish davri” — transferlar oynasi yakuniga yetmoqda. Xususan, Angliyada yozgi transferlar oynasi yopildi. Yangi murabbiylari, yangi futbolchilari — ko‘p narsa o‘zgardi. Agar siz yozgi transferlar oynasini diqqat bilan kuzatmagan bo‘lsangiz, hechqisi yo‘q. Biz sizni ularning asosiylari bilan tanishtirishga tayyormiz. Xo‘sh, Yevropaning top-klublari tarkibi qanchalik o‘zgarishlarga uchradi.

“Atletiko Madrid”

Madridning bir yo‘la ikkala jamoasi ham yozgi transferlar vaqtida katta o‘zgarirshlarga qo‘l urdi. “Matraschilar” so‘nggi yillardan jamoaning himoyasida qalqon vazifasini o‘tagan Diyego Godin, Filipe Luis, Xuanfran bilan xayrlashdi. Ular klubni erkin agent sifatida tark etdi. JCh—2018 chempioni Lyuka Ernandes esa 80 million yevro evaziga “Bavariya”ga sotib yuborildi. Madrid klubi ketgan futbolchilar o‘rnini to‘ldirish maqsadida transferlar uchun 260 million yevro sarfladi. Jumladan, “Tottenhem”dan Kiran Trippyer, “Atletiko Paranaense”dan Renan Lodi, “Espanyol”dan Mario Ermoso, “Portu”dan Felipe olib kelindi. Jamoaning yangi himoya chizig‘i mazkur himoyachilar orqali tashkil etilishi oydinlashdi.

Uzoq davom etgan transfer serialidan so‘ng Antuan Grizmann 120 million yevro evaziga “Barselona”ga qo‘yib yuborildi. Uning o‘rniga esa “Benfika”dan 19 yoshli bo‘lajak yulduz Joau Feliks olib kelindi. Madrid klubi futbolchi uchun Lissabon klubiga 126 million yevro to‘ladi. Yarim himoyada o‘z o‘rniga ega bo‘lgan Rodri Ernandes yaxshigina mablag‘ evaziga “Manchester Siti”ga sotildi, uning o‘rni esa “Real” tarbiyalanuvchi Markos Lyorente bilan to‘ldirildi.

Yangi mavsum uchun taxminiy tarkibi

“Yuventus”

Turin klubida ham hamma narsa yangidan boshlanmoqda. “Yuventus” ham islohotni himoyadan boshladi. Xususan, mashhur trio — Kyellini, Bardzali, Bonuchchi va nihoyat bo‘linishi fursati yetdi. Bunga sabab esa Andrea Bardzalining faoliyatini yakunlashi bo‘ldi. Uning o‘rniga esa “Ayaks”dan Matteys de Ligt olib kelindi. Niderlandiyalik iqtidor dunyodagi eng qimmat himoyachilardan biriga aylandi. Bundan tashqari “Roma”dan Luka Pellegrini olib kelindi. Shu o‘rinda Turin klubining bepul transferlarini tilga olmaslikning ilojisi yo‘q. Klub afsonasi Janluiji Buffon bir yillik tanaffusdan so‘ng yana “Yuventus”ga qaytdi. PSJdan Adriyen Rabio, “Arsenal”dan esa Aaron Remzi bepul qo‘lga kiritildi.Yangi mavsum uchun taxminiy tarkibi

“Bavariya”

Myunxen klubi so‘nggi o‘n yillikdagi eng katta o‘zgarishlardani birini boshdan o‘tkazmoqda. Xususan, jamoani ikki asosiy yetakchilar — Aryen Robben hamda Frank Riberi tark etdi. Riberi jamoada 9 ta sovrin yutgan bo‘lsa, Robben bu orada 8 ta sovrinni qo‘lga kiritishga erishdi. Ikkovlon birgalikda umumiy hisobda “Bavariya” uchun 185 ta gol urdi.

Endi esa ularning o‘rnini Kingsli Koman hamda Serj Gnabri bildirmaslikka harakat qilib ko‘radi. Jamoa himoya chizig‘ini ham yangilashni boshlab yubordi. Qanotlar JCh—2018 chempionlari bilan to‘ldirildi — Lyuka Ernandes va Benjamen Pavar. Hujumda esa Robert Levandovskiga yordamchi sifatida yosh iqtidor Yann-Fite Arp olib kelindi. Ikki yillik ijaradan so‘ng Xames Rodriges “Real”ga qaytarib yuborildi, uning o‘rniga esa “Barselona”dan Filippe Koutinyo olib kelindi.

Yangi mavsum uchun taxminiy tarkibi

PSJ

PSJ yozgi transferlar mavsumida katta transferlarga qo‘l urmadi. Ammo aqlli xaridlarni amalga oshirdi. Xususan, himoya chizig‘i “Borussiya D” iqtidori Abdu Diallo bilan to‘ldirildi. Endi u Presnel Kimpembe, Markinyos hamda Tiago Silva bilan asosiy tarkib uchun kurashadi. “Manchester Yunayted”ni erkin agent sifatida tark etgan Ander Errera tekinga qo‘lga kiritildi. “Sevilya”dan bo‘lsa, so‘nggi mavsumda o‘zining qoyilmaqom golli uzatmalari bilan ko‘pchilikni hayratda qoldirgan Pablo Sarabiya sotib olindi. Bundan tashqari “Everton”dan Idrissa Guye olib kelindi.Yangi mavsum uchun taxminiy tarkibi

“Barselona”

“Barselona” bus afar ikkita yirik transferni amalga oshirdi. “Atletiko Madrid”dan Antuan Grizmann, “Ayaks”dan esa Frenki de Yong kattagina summa evaziga olib kelindi. Yasper Silessen “Valensiya” sotilib, uning o‘rniga esa aynan “ko‘rshapalaklar” posboni Neto xarid qilindi. Jordi Albaga raqobatchi sifatida “Betis”dan Xunior Firpo transferi amalga oshirildi. Kataloniyada baxtini topa olmagan Malkom esa “Zenit”ga sotib yuborildi.Yangi mavsum uchun taxminiy tarkibi

“Real”

Zinedin Zidan “Real”ni yangilanishini xohlagan edi. U bunga qisman bo‘lsa-da erishdi. Florentino Peres yana katta transferlarga qo‘l urdi. 100 million yevrodan ortiqroq mablag‘ evaziga “Chelsi”dan Eden Azar xarid qilindi. So‘nggi mavsum “Ayntraxt Frankfurt” safida porlagan Luka Yovich 60 million yevro evaziga olib kelindi. Himoya chizig‘i esa Eder Militao (“Portu”) va Ferlan Mendi (“Lion”) kabi o‘yinchilar bilan mustahkamlandi.Yangi mavsum uchun taxminiy tarkibi

FootballHD materiali asosida Asror Abdunazarov tayyorladi.