Qarshida bir fuqaroning Nexia va Matiz avtomobillari yonib ketdi (foto)

28-iyul kuni soat 03:28 da Qashqadaryo viloyati, Qarshi shahri, “Sho‘rtan” MFYda joylashgan ko‘p qavatli 5-uyning oldida turgan 2 ta yengil avtomobilda yong‘in sodir bo‘ldi. Bu haqda Davlat yong‘in xavfsizligi xizmati xabar bermoqda.

Ko‘rsatilgan manzilga 2 ta yong‘in o‘chirish avtoekipaji jalb etilgan. Bo‘linmalar voqea joyiga soat 03:36 da yetib borgan va yong‘in soat 03:38 da qurshab olinib, 15 daqiqadan so‘ng to‘liq bartaraf etilgan.

Tan jarohati olganlar va halok bo‘lganlar yo‘q. Yong‘in oqibatida 5-uyda yashovchi fuqaro A.X.ga tegishli Nexia va Matiz rusumli avtomobillar zararlangan.

Holat yuzasidan tergov organlari tomonidan surishtiruv ishlari olib borilmoqda. Yong‘in sababi va moddiy zarar aniqlanmoqda.