Mudofaa vazirligi harbiy xizmatchilaridan iborat O‘zbekiston jamoasi Xalqaro armiya o‘yinlarining Rossiya Federatsiyasida bo‘lib o‘tadigan musobaqalarida ishtirok etish uchun belgilangan manzilga yetib bordi. Bu haqda vazirlik matbuot xizmati xabar berdi.
Ayni damda ular Moskva viloyatidagi “Alabino” dala-o‘quv maydonida “Tank biatloni” va “Dala oshxonasi” musobaqasiga so‘nggi tayyorgarlik mashg‘ulotlarini olib bormoqda.
Harbiylar musobaqa o‘tkaziladigan o‘quv joylari bilan yaqindan tanishib, shartlar bo‘yicha puxta tayyorgarlik ko‘rmoqda. “Tank biatloni” musobaqasida ilk bor ishtirok etayotgan o‘zbekistonlik harbiylar 13 ta jamoa bilan kuch sinashadi.
Qayd etilishicha, jamoaning yashash shart-sharoitlari, “ArMI — 2019” musobaqasiga ko‘rilayotgan tayyorgarlik jarayoni Mudofaa vazirligining mas’ul ofitserlari tomonidan uzluksiz nazorat qilinmoqda.
Izoh (0)