Bugun,

  • USD 11095.31
  • RUB 173.84
  • EUR 10772.44

O‘zbekiston Respublikasi Prezidenti Shavkat Mirziyoyev 1-iyul kuni geologiya sohasini yanada rivojlantirish, geologik qidiruv va qazib olishni kengaytirish masalalariga bag‘ishlangan yig‘ilish o‘tkazdi. Bu haqda Prezident Matbuot xizmati xabar bermoqda.

Foto: Prezident Matbuot xizmati

Foto: Prezident Matbuot xizmati

Mamlakatda sanoatlashtirish mumkin bo‘lgan 73 turdagi foydali qazilma zaxirasiga ega 2 mingdan ziyod kon bor. Shundan 437 tasi o‘zlashtirilmagan. Yangi istiqbolli konlarni o‘rganish yetarli darajada emas. Qidiruv ishlariga jalb qilinayotgan texnikalarning 70 foizi eskirgan.

Sohaga investitsiyalar jalb qilib, qayta ishlashni yo‘lga qo‘yish ishlari ham sustligi qayd etildi. Bugungi kunda 111 ta istiqbolli konning atigi 14 tasida to‘g‘ridan to‘g‘ri xorijiy investitsiyalar ishtirokida 39 million dollarlik 6 ta loyiha amalga oshirilmoqda, xolos.

Yig‘ilishda geologorazvedka va qazib olish ishlari uchun belgilangan soliq stavkalarini optimallashtirish, budjet mablag‘lari samaradorligini oshirish, tarmoqqa xususiy investitsiyalarni keng jalb qilish bo‘yicha vazifalar belgilandi.

Geologiya-qidiruv ishlarini moliyalashtirish tizimini isloh qilish, xorijiy ekspertlarni jalb etib, eng ilg‘or tajribalarni amaliyotga joriy qilish zarurligi ta’kidlandi. 2020—2021-yillarga mo‘ljallangan mutlaqo yangi formatdagi qidiruv ishlari dasturini shakllantirish, sohaning moddiy-texnik bazasini yangilash bo‘yicha topshiriqlar berildi.

Mineral xomashyo bazasini xalqaro standartlar asosida baholash, jumladan, konlar zaxiralarini JORC kodeksi talablari asosida hisoblash va ma’lumotlar ochiqligini ta’minlash muhimligi qayd etildi.

Investitsiyalar va tashqi savdo vazirligi, Davlat geologiya qo‘mitasiga yangi investitsiya loyihalari portfelini shakllantirish hamda ularni o‘z veb-saytlariga joylashtirish, xorijda biznes tadbirlar va roud-shoular tashkillashtirish orqali salohiyatli investorlarni jalb qilish vazifasi qo‘yildi.

Volfram, grafit kabi talab yuqori xomashyolar bo‘yicha investitsiya jalb qilib, kamida 20 ta loyihani amalga oshirish yuzasidan topshiriq berildi.

Sohadagi bugungi holat va yig‘ilishda qo‘yilgan vazifalar yuzasidan mutasaddilar axborot berdi.

Izoh
Asosiy yangiliklar
Mahalliy
O‘zbekistonda so‘nggi sutkada 153 kishida koronavirus aniqlandi
Mahalliy
O‘zbekistonda 6-dekabr yog‘ingarchiliksiz o‘tishi kutilmoqda
Mahalliy
“IIV vakillari muammoni prokuraturaga yuklab, jamoatchilikni chalg‘itibdi” — o‘z pogonini yulib, ayolni qasddan aybdor qilmoqchi bo‘lgan IIB xodimi voqeasi yuzasid...