O‘zbekiston bozorlarida narx-navo arzonlashdimi?

O‘zbekiston iste’molchilar huquqlarini himoya qilish jamiyatlari federatsiyasi respublika bozorlaridagi narx-navoni o‘rganishni davom ettiradi. Respublika bozorlaridagi oziq-ovqat, nooziq ovqat va qishloq xo‘jaligi mahsulotlarining 2019-yil 30-iyul holatidagi narxlari o‘rganildi. Bu haqda O‘zA xabar berdi.

Mol go‘shti

28 000 so‘mdan — 42 000 so‘mgacha

Eng arzon narx Qoraqalpog‘iston Respublikasining Nukus shahar markaziy dehqon bozorida kuzatildi. Ushbu bozorda 1 kilogramm mol go‘shtining narxi 28 000 so‘mdan – 40 000 so‘mgacha sotilmoqda.

Bir kilogramm mol go‘shti uchun eng qimmat narx Samarqand shahri “Siyob” bozorida va Navoiy shahridagi “Sahovat” MChJga tegishli dehqon bozorida qayd etilgan – 34 000 – 42 000 so‘m.

Qo‘y go‘shti

32 000 so‘mdan — 44 000 so‘mgacha

Eng arzon narx 1 kilogramm qo‘y go‘shti uchun Toshkentning “Mirobod”, “Farhod”, “Chorsu” bozorlarida qayd etildi. Bu yerda 1 kilogramm qo‘y go‘shtini 32 000 dan 42 000 so‘mgacha xarid qilish mumkin.

Eng qimmat narx bu haftada ham Toshkentdagi Qo‘yliq dehqon bozorida kuzatildi – 1 kilogramm qo‘y go‘shti — 40 000 dan 44 000 so‘mgacha.

Tovuq go‘shti

12 000 so‘mdan — 20 000 so‘mgacha

Eng arzon narx Buxoro shahar Markaziy dehqon bozorida qayd etildi – 12 000 so‘mdan – 14 500 so‘mgacha.

Eng qimmat narxdagi tovuq go‘shti esa Qoraqalpog‘iston Respublikasi Nukus shahar Markaziy dehqon bozori va Toshkentdagi “Mirobod” dehqon bozorida kuzatildi – 14 000 – 20 000 so‘m.

Guruch

3 500 so‘mdan — 14 000 so‘mgacha

Eng arzon narx Toshkentning “Farhod” dehqon bozorida qayd etilgan – 3 500 – 12 000 so‘m.

Eng qimmat narx esa Jizzax shahri Markaziy dehqon bozori, Namanganning “Sardoba” dehqon bozori, Sirdaryoning Guliston shahri Markaziy dehqon bozori hamda Toshkentning “Chorsu” dehqon bozorida kuzatilgan – 4 000 – 14 000 so‘m.

O‘simlik yog‘i

8000 so‘mdan — 13 500 so‘mgacha

Eng arzon o‘simlik yog‘i Toshkentdagi “Farhod” dehqon bozorida kuzatildi. Bu yerda o‘simlik yog‘ini 8 000 so‘mdan – 11 500 so‘mgacha xarid qilish mumkin.

Eng qimmat narx Namangan shahri “Sardoba” dehqon bozorida qayd etilgan – 9 000 dan 13 500 so‘mgacha.

Un

1 750 so‘mdan — 4 900 so‘mgacha

Eng arzon narxdagi un Toshkentdagi “Farhod” bozorida kuzatildi. Bu yerda siz 1 kilogramm oliy navli un uchun 2 200 so‘m to‘lashingiz zarur bo‘ladi.

1-navli unning kilogrammi uchun eng arzon narx “Mirobod”, “Farhod”, “Chorsu” va “Qo‘yliq” dehqon bozorlari hamda Farg‘ona markaziy dehqon bozorida qayd etildi — bu summa 1 750 so‘mni tashkil qilmoqda.

Eng qimmat narx 1 kilogramm oliy navli un Toshkent shahridagi Mirobod dehqon bozorida qayd etildi – 4 900 so‘m.

1-navli unning kilogrammi uchun esa eng qimmat narx Sirdaryoning Guliston shahri Markaziy dehqon bozorida kuzatildi – 4 800 so‘mgacha.

Shakar

4 500 so‘mdan — 5 500 so‘mgacha

Eng arzon narx Toshkent shahridagi “Mirobod” dehqon bozorida kuzatildi – 4 500 – 5 200 so‘m.

1 kilogramm shakar uchun Respublikadagi eng qimmat narx Nukus shahar, Jizzax shahri va Navoiy shahridagi “Sahovat” MChJga qarashli Markaziy dehqon bozorida qayd etildi – 5 000 – 5 500 so‘m.

Tuxum

350 so‘mdan — 700 so‘mgacha

Respublika bozorlarida 1 dona tovuq tuxumini o‘rtacha 350 — 700 so‘mdan xarid qilishingiz mumkin.

Kartoshka

1 000 so‘mdan — 3 000 so‘mgacha

Eng arzon narx poytaxtdagi “Chorsu” Markaziy dehqon bozorida qayd etildi – 1 000 so‘mdan – 3 000 so‘mgacha.

1 kilogramm kartoshka uchun eng qimmat narx poytaxtdagi “Chorsu”, Guliston shahar Markaziy dehqon bozori, Buxoro shahar Markaziy dehqon bozori hamda Nukus shahar Markaziy dehqon bozorida kuzatildi – 1 000 – 3 000 so‘mgacha.

Pomidor

1 500 so‘mdan — 6 000 so‘mgacha

Eng arzon narx Qo‘yliq dehqon bozorida kuzatildi – 1 500 so‘mdan – 3 000 so‘mgacha.

Eng qimmat narx esa poytaxtdagi “Chorsu” hamda “Farhod” dehqon bozorlari va Termiz shahar Markaziy dehqon bozorida qayd etildi – 2 000 – 6 000 so‘mgacha.

Xo‘jalik sovuni

800 so‘mdan — 3 500 so‘mgacha

Eng arzon narx Namangandagi “Sardoba” dehqon bozorida kuzatildi. Ushbu bozorda xo‘jalik sovunini 800 so‘mdan (3 500 so‘mgacha) xarid qilish mumkin.

Eng qimmat narx Jizzax shahri Markaziy dehqon bozori, Namangan shahri “Sardoba” dehqon bozorida va Toshkentdagi “Yunusobod” dehqon bozorida qayd etildi – 800 — 3 500 so‘m.