Nexia Rossiya ikkilamchi bozorida sotilgan eng mashhur avtomobillar reytingidan o‘rin oldi

“Avtostat” agentligi mutaxassislari 2019-yilning birinchi choragi yakuniga ko‘ra, Rossiya ikkilamchi bozorida eng mashhur bo‘lgan mashinalar reytingini tuzdi. Bu haqda “RIA Novosti” xabar berdi.

Reytingda yetakchilikni Ford Focus egalladi. 2019-yilning yanvaridan aprel oyigacha ushbu modelning 39 358 ta foydalanilgan mashinalari sotilgan.  Ikkinchi pog‘onani Toyota Corolla (31 141) egallagan bo‘lib, kuchli uchtalikni Hyundai Solaris (29 865)  yakunlab bergan.

Reyting beshtaligiga KIA Rio (27 734) va Toyota Camry (24 765) ham kirdi. Undan keyingi o‘rinlarni Chevrolet Niva (24 386), Renault Logan (23 423), Opel Astra (18 393) va Volkswagen Polo (17 239) egallagan.

Rossiya bozorida foydalanilgan mashinalar sotilishi bo‘yicha reytingning eng oxirgi pog‘onasini Daewoo Nexia egallagan bo‘lib, ushbu model 16 611 ta sotilgan.