Toshkent shahrining Chilonzor tumanida 2019-yil 4-may kuni tushgan hujjatlarga ko‘ra, 2018-yil may oyida Shayxontohur tumanida yashovchi M.G‘. Uchtepa tumanida yashovchi M.T.ni Bosh Prokuraturada ishlovchi tanishlari orqali Toshkent Davlat yuridik universitetiga o‘qishga kiritib qo‘yishini aytib, M.T.ning ishonchiga kirib, undan 11 000 AQSh dollarini olgan va bergan va’dasini bajarmay, shu kunga qadar pullarni qaytarib bermaganligi ko‘rsatilgan. M.G‘. ushlangan. Bu haqda O‘zbekiston Respublikasi IIV Jamoatchilik va OAV bilan aloqalar boshqarmasi xabar bermoqda.
Holat yuzasidan jinoyat ishi qo‘zg‘atilib, tergov harakatlari olib borilmoqda.