22-aprel, dushanba kuni futbol bo‘yicha Osiyo Chempionlar Ligasi guruh bosqichi 4-turida Toshkentning “Paxtakor” klubi Qatarda “As-Sadd”ga qarshi maydonga tushdi.
Bellashuvning 9-daqiqasida qatarliklar yarim himoyachisi Xavi standart vaziyatdan Sanjar Quvvatov darvozasiga gol urgan bo‘lsa, 30-daqiqaga kelib “sherlar” a’zosi Yegor Krimets hisobni tenglashtirdi (1:1). O‘yinning asosiy vaqti tugashiga 3 daqiqa qolganda mezbon jamoa o‘yinchisi Bag‘dod Bunayja g‘alaba golini urdi.
Shu tariqa “Paxtakor” mehmonda kechgan bahsda “As-Sadd”ga imkoniyatni boy berib qo‘ydi va 3 ochkodan mahrum bo‘ldi (1:2).
OChL
4-tur bahslari
22-aprel, dushanba
“D” guruhi
“As-Sadd”—“Paxtakor” 2:1 (2:2)
Gollar: 1:0 — 9 Xavi, 1:1 — Yegor Krimets, 2:1 — 87 Bag‘dod Bunayja“As-Sadd”: Saad al-Shib, Abdulkarim Hassan, Xavi, Ali Asadilla (Yasir Isa, 66), Bag‘dod Bunayja, Hamid Ismoil, Gabi, Toriq Salmon, Bualem Huhi, Salim al-Hajri (Vu Yung, 77), Hasan al-Haydos
“Paxtakor”: Sanjar Quvvatov, Farruh Sayfiyev, Yegor Krimets, Sherzod A’zamov, Hojiakbar Alijonov, Odiljon Hamrobekov, Sardor Sobirxo‘jayev, Jaloliddin Masharipov, Dragan Cheran, Doston Hamdamov (Jasurbek, Yaxshiboyev, 84), Marat Bikmayev (Javohir Siddiqov, 62)
Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @daryo_sport’ga obuna bo‘ling!
Izoh (0)