Tojikiston birinchi marta EXHT xavfsizlik bo‘yicha hamkorlik forumiga rahbarlik qiladi

Yevropa xavfsizlik va hamkorlik tashkiloti (EXHT)ning shtab-kvartirasi bo‘lmish Vena shahrida joylashgan Hofburg saroyida Xavfsizlik sohasidagi  hamkorlik forumining yakuniy majlisi o‘tkazildi. Bu haqda “Asia-Plus” xabar berdi.

Unda Xavfsizlik sohasidagi  hamkorlik forumi raisligini Tojikistonga topshirish marosimi bo‘lib o‘tdi.

Shveysariyaning EXHTdagi doimiy vakili Klod Vild Xavfsizlik sohasidagi  hamkorlik forumi raisliligini EXHTning Tojikistondagi doimiy vakili Idibek Qalandarga tantanali ravishda topshirgan.

Qalandarning ta’kidlashicha, Tojikiston raisligi forum e’tborini Markaziy Osiyodagi mintaqaviy xavsizlikning ustuvor masalalariga qaratadi.

Tojikiston ushbu forumda 2019-yilning may oyidan avgust oyigacha raislik qiladi.