13-mart kuni Jinoyat ishlari bo‘yicha Toshkent shahar sudida Jamshid Kenjayev ishi bo‘yicha sud majlisida qatnashgan Kenjayevning otasi Yoqub Kenjayev jurnalistlarga bergan intervyusida sud hukmidan norozi ekanini bildirgan. Bu haqda “Zamon” dasturi  xabar berdi.

Bundan oldingi sudda ayblanuvchilarga umrbod qamoq jazosi berilishi so‘ralgandi.

“Yotgan odamga yordam berishga hech kimni yaqinlashtirishmay, atrofini o‘rab turishibdi. Buni videotasvirda ko‘rish mumkin. Bolam bechora o‘sha yerda 45—48 daqiqa, sal kam bir soat yotgan o‘sha joyda”, — dedi Yoqub Kenjayev.

Eslatib o‘tamiz, sud hukmi bilan Shodali Qilichovga 18 yil ozodlikdan mahrum qilish jazosi tayinlanib, ozodlikdan mahrum qilish jazosini qattiq tartibli koloniyada, Saidazim Kamoldinov, Alijon Xamrayev va Jahongir Yorqulovning har biriga 5 yil ozodlikdan mahrum qilish jazosi tayinlanib, ozodlikdan mahrum qilish jazosini manzilli koloniyada o‘tash belgilangan.

2018-yilning 8 dan 9-avgustiga o‘tar kechasi, chamasi soat 00:25 larda Yunusobod tumanidagi Aurum 898 tungi klubi oldida janjal oqibatida erkin kurash bo‘yicha xalqaro toifadagi sport ustasi 25 yoshli Jamshid Kenjayev pichoqbozlik oqibatida vafot etgan.