SEC Ilon Maskni sud qarorini bajarmaganlikda aybladi

AQShning qimmatli qog‘ozlar va birja komissiyasi (SEC) Tesla kompaniyasining bosh ijrochi direktori Ilon Maskni harakatlarini sud qarorlarini hurmat qilmaslik deb tan olishini so‘rab murojaat qilgan, deya xabar beradi “Interfaks”.

Gap o‘tgan haftada Mask yozgan Twitter’dagi xabarlar haqida ketmoqda. Birinchi xabarda uning kompaniyasi “2019-yilda 500 mingga yaqin mashina ishlab chiqarishi” ma’lum qilingan, ikkinchi xabarda esa ishlab chiqarish 500 ming donaga yetkazilishi rejasi nazarda tutilayotganligini aytib xabarni o‘zgartirgan.

Tesla kompaniyasining yillik hisobotlarda taqdim etilgan prognozida aytilishicha, kompaniya joriy yilda 400 mingga yaqin avtomobil ishlab chiqarishni rejalashtirmoqda.

SEC vakillarining so‘zlariga ko‘ra, Mask “xato va 24 milliondan ortiq kishiga tarqatilgan ushbu xabarni nashr etish uchun oldindan rozilik olmagan”. Bu o‘tgan yili erishilgan kelishuv shartlariga ziddir. Unga ko‘ra, Mask Tesla bilan bog‘liq muhim ma’lumotlarni o‘z ichiga olgan har qanday bayonotni kompaniyaning roziligisiz nashr qila olmaydi.

20 million dollari miqdoridagi jarima hamda Maskni Tesla direktorlar kengashi raisi lavozimidan bo‘shatishni nazarda tutuvchi kelishuv investorlar aldangani haqidagi ayblovlar bo‘yicha jiddiy jazodan qochish imkonini bergan.