АҚШнинг қимматли қоғозлар ва биржа комиссияси (SEC) Tesla компаниясининг бош ижрочи директори Илон Маскни ҳаракатларини суд қарорларини ҳурмат қилмаслик деб тан олишини сўраб мурожаат қилган, дея хабар беради «Интерфакс».
Гап ўтган ҳафтада Маск ёзган Twitter’даги хабарлар ҳақида кетмоқда. Биринчи хабарда унинг компанияси «2019 йилда 500 мингга яқин машина ишлаб чиқариши» маълум қилинган, иккинчи хабарда эса ишлаб чиқариш 500 минг донага етказилиши режаси назарда тутилаётганлигини айтиб хабарни ўзгартирган.
Tesla компаниясининг йиллик ҳисоботларда тақдим этилган прогнозида айтилишича, компания жорий йилда 400 мингга яқин автомобиль ишлаб чиқаришни режалаштирмоқда.
SEC вакилларининг сўзларига кўра, Маск «хато ва 24 миллиондан ортиқ кишига тарқатилган ушбу хабарни нашр этиш учун олдиндан розилик олмаган». Бу ўтган йили эришилган келишув шартларига зиддир. Унга кўра, Маск Tesla билан боғлиқ муҳим маълумотларни ўз ичига олган ҳар қандай баёнотни компаниянинг розилигисиз нашр қила олмайди.
20 миллион доллари миқдоридаги жарима ҳамда Маскни Tesla директорлар кенгаши раиси лавозимидан бўшатишни назарда тутувчи келишув инвесторлар алдангани ҳақидаги айбловлар бўйича жиддий жазодан қочиш имконини берган.
Изоҳ (0)