Arktikada 40 ming yil avval muzlagan o‘simlik namunalari topildi

Arktikaning Kanada hududida muzliklarning erishi muz ostida 40 ming yil yotgan yerning ochilishiga olib keldi. Bu haqda Hi-Tech Mail.Ru xabar berdi.

Olimlarning aniqlashicha, mintaqada 115 ming yil ichidagi eng issiq yuz yillik davom etmoqda. Bu bir qator kashfiyotlar qilishga imkon berdi.

Radiouglerod texnologiyasi yordamida 48 ta o‘simlik namunasining yoshi aniqlangan. Ular Grenlandiyaning g‘arbida joylashgan Baffen orolidagi 30 ta nazorat hududida yig‘ilgan.

Ayni paytda Arktika Yer sharining boshqa qismlariga nisbatan 2—3 marta tezroq qizimoqda. Agar shu holat saqlanib qolsa, yaqin bir necha yuz yillik ichida sayyoraning muzlik landshafti tanib bo‘lmas darajada o‘zgarib ketadi.