Muftiy Usmonxon Alimov Saudiya Arabistoni Haj ishlari vaziri o‘rinbosari bilan uchrashdi
Saudiya Arabistoni Haj ishlari vaziri doktor Solih Bentin taklifiga asosan, “Haj–2019” mavsumining tashkiliy ishlarini kelishib olish maqsadida “Haj” va “Umra” tadbirlarini tashkil etish va o‘tkazish masalalari bo‘yicha Jamoatchilik kengashi raisi Jasur Akramov va O‘zbekiston musulmonlari idorasi raisi, muftiy Usmonxon Alimov hazratlari boshchiligidagi delegatsiya Saudiya Arabistoniga jo‘nab ketgan edi, deb xabar beradi O‘zbekiston musulmonlari idorasi.
21-yanvar kuni, soat 11:00 da O‘zbekiston musulmonlari idorasi raisi, muftiy Usmonxon Alimov hazratlari va delegatsiya a’zolari Saudiya Arabistoni Haj ishlari vaziri o‘rinbosari bilan uchrashuv o‘tkazdi.
Uchrashuvda “Haj-2019” mavsumi yuzasidan imzolanishi lozim bo‘lgan shartnoma shartlari o‘zaro muhokama qilinib, ishchi guruhining yig‘ilishi ham o‘tkazildi. Ushbu uchrashuvda shartnomaning bandlari muhokama qilindi. Shuningdek, mazkur uchrashuvda tomonlar haj mavsumini namunali, tartibli va eng yuqori darajada o‘tkazish masalalarini kelishib oldi.
