Bugun,

  • USD 10940.05
  • RUB 182.26
  • EUR 11121.65

Moskva hukumatining maxsus komissiyasi xulosasiga ko‘ra Markaziy ma’muriy okrugda joylashgan Islom Karimov xiyoboni 2018-yilda Rossiya poytaxtida investor hisobidan amalga oshirilgan eng yaxshi obodonlashtirish loyihasi deb topildi. Bu haqda Fond matbuot xizmati xabar berdi.

Foto: Facebook / Lola Karimova-Tillayeva

Foto: Facebook / Lola Karimova-Tillayeva

Moskva meri Sergey Sobyanin Karimov Fondiga obodonlashtirish dasturlarini amalga oshirish va shinam shahar muhitini yaratishga qo‘shgan hissasi uchun alohida minnatdorlik yorlig‘ini topshirdi.

“Karimov Fondining barcha xodimlari nomidan Moskva shahar hukumati va Moskva meri janob Sergey Sobyaninga amalga oshirgan yordamlari hamda Fond faoliyatini yuqori baholaganlari uchun samimiy minnatdorligimizni bildiramiz. Bu loyiha ustida ishlash biz uchun katta sharaf bo‘ldi. Umid qilamizki, ushbu hiyobon moskvaliklar va shahar mehmonlarining sevimli joylaridan biri bo‘lib qoladi”,— deyiladi yorliqda.

Mustaqil O‘zbekistonning asoschisi va Birinchi Prezidenti Islom Karimovga atab o‘rnatilgan yodgorlik Moskva shahri markazida 18-oktabr kuni ochilish marosimi bo‘lib o‘tgan edi.

“Moskva ma’muriyati bilan 2017-yilning bahorida erishilgan kelishuvga muvofiq, Prezident Islom Karimovning kenja qizi Lola Karimova-Tillyayeva tomonidan boshqarib kelinayotgan Karimov Fondi Rossiya poytaxtida Islom Karimov xotira yodgorligini loyihalash, tayyorlash va o‘rnatish bo‘yicha ishlarni amalga oshirish mas’uliyatini o‘z zimmasiga oldi. Mazkur maskanning bog‘-xiyobon hududi Moskva ma’muriyati tomonidan Karimov Fondi bilan hamkorlikda obodonlashtirildi”,— deyiladi xabarda.

Izoh
Asosiy yangiliklar
Mahalliy
“Afg‘oniston iqtisodiyotini tiklash xalqaro hamjamiyatning umumiy ustuvor yo‘nalishi bo‘lishi kerak” — Vladimir Norov
Dunyo
Irlandiyadagi qamoqxonada “buyuk qochish”, sakkiz soatli ish rejimini qo‘llagan Genri Ford va qon quyish bo‘yicha birinchi muvaffaqiyatli amaliyot. Kun xronologiya...
Mahalliy
Foto: Dubay—Namangan—Dubay yo‘nalishida muntazam aviaqatnovlar yo‘lga qo‘yildi