Bugun,

  • USD 10940.05
  • RUB 182.26
  • EUR 11121.65

Toshkent shahar IIBB Yo‘l harakati xavfsizligi boshqarmasining tashabbusi bilan “Avtoyo‘l”ga qarashli M-39b Toshkent halqa avtomobil yo‘lidagi tungi yoritish chiroqlari taftishdan o‘tkazildi va yo‘lning yoritilmagan qismi yuzasidan tegishli tashkilotlarga taqdimnomalar kiritildi. Bu haqda IIBB matbuot xizmati xabar berdi.

Foto: Google Images

Foto: Google Images

Natijada, mutasaddi tashkilot va korxonalar tomonidan jami uzunligi 68 kilometr bo‘lgan Toshkent halqa avtomobil yo‘lining yoritilmagan 12 kilometr qismining 7,5 kilometr masofasida yoritish moslamalari o‘rnatildi. Tez orada yo‘lning qolgan qismida ham yoritish moslamalarini o‘rnatish rejalashtirilgan. Bu esa o‘z navbatida ushbu hududda tunda sodir etilishi mumkin bo‘lgan og‘ir oqibatli yo‘l-transport hodisalarining oldini olishga yordam beradi.

Shu bilan bir qatorda, Toshkent shahar IIBB YHXB va “Toshshaharnur” DUK hamkorligida shahar ko‘cha va yo‘llarini kunning qorong‘i paytida yoritish sifatini yaxshilash borasida ham qator ishlar olib borilmoqda. Jumladan, poytaxt ko‘chalarida mavjud 120 mingdan ortiq tungi yoritish chiroqlarining 100 mingdan ziyodrog‘i zamonaviy diodli yoritish lampalariga almashtirildi. Mazkur yo‘nalishdagi ishlarni Mustaqillik bayramining 27 yilligi arafasida yakuniga yetkazish mo‘ljallangan.

Izoh
Asosiy yangiliklar
Mahalliy
“O‘zgidromet” 29-sentabr kuni qanday ob-havo bo‘lishini ma’lum qildi
Mahalliy
“Selektor yig‘ilishida ayvonda o‘tirmayapsizmi?” — Prezident administratsiyasi rahbari Sardor Umurzoqovning tanqidiy ruhda o‘tgan yig‘ilishdagi audiosi tarqaldi
Mahalliy
Qashqadaryoda bedarak yo‘qolgan 15 yoshli bolaning jasadi topildi