Saudiya Arabistonida ayollar uchun ko‘plab narsalar taqiqlangan. Buni hayotning barcha sohasida uchratish mumkin. TravelAsk ana shu taqiqlarga e’tibor qaratdi.
Ayollar ko‘chaga eri yoki erkak qarindoshisiz chiqishi mumkin emas. Faqat erkaklar ayollarning shaxsini tasdiqlashi, ishga joylashishi, tibbiy jarayonlar, turmushga chiqishiga ruxsat berishi mumkin.
Joriy yildan ayollarga avtomobil boshqarishga ruxsat berildi. Biroq bunda ham ruxsatni erkak kishi berishi kerak.
Ayollar jamoat transportidan foydalanishi mumkin emas. Yagona istisno poyezd bo‘lib, bunda ham ayollar alohida vagonga kiradi. Aksariyat hollarda ular piyoda yurishga yoki taksiga chiqishga majbur bo‘ladi.
Mamlakatning har bir hududi ayollar kiyimlariga nisbatan turli qat’iylikdagi qoidalarni belgilaydi. Kiyimlar tekis, shaffof bo‘lmagan matodan bo‘lishi va tanani iloji boricha ko‘proq yopib turishi kerak.
Mamlakatda oliy ma’lumotga ega ayollar soni erkaklarnikidan ko‘proq, biroq ayollar OTMlarida ta’lim darajasi anchagina past. Bundan tashqari, aksariyat ayollar o‘qishni tugatgandan keyin baribir ishlamaydi.
Mehnat bozorida ayollarning ulushi 17 foizni tashkil qiladi. Mahalliy ayollar ishga chiqishi uchun eridan ruxsat olishi kerak. Ish beruvchilar ham ayollarni ishga olishni unchalik yoqtirmaydi, chunki ayollar uchun alohida ofis va hatto alohida kirish joyini tashkil qilishi kerak bo‘ladi.
Saudiya Arabistonida turmush qurishning minimal yoshi qonun bilan chegaralanmagani uchun ko‘pincha qizlar jinsiy yetilmasdan oldin turmushga beriladi. Majburiy nikoh rasman taqiqlangan bo‘lsa, ham yetti yoshdan katta bolaning barcha huquqlari otasiga tegishli bo‘ladi va uning bo‘lajak kuyov bilan kelishuvi majburiy hisoblanadi.
Ayol o‘z dugonasi bilan uyning faqat ayollar qismida gaplasha oladi. Uning erkaklar qismiga o‘tishi taqiqlangan, eri bilan esa faqat ichki telefon orqali muloqot qilishi mumkin.
Nafaqat uy, balki jamoat joylari, transport, yotoqxona, plyaj va boshqa joylar ham ayollar va erkaklar qismiga bo‘lingan.
Ayollar meros olishda ham erkaklarga nisbatan ikki baravar kamroq imkoniyatga ega bo‘ladi, bunda ular ro‘yxatdan ham tushib qolishi mumkin. Da’vo qilish uchun esa birdaniga olti nafar erkak guvohni keltirishi kerak.
Izoh (0)