Bugun,

  • USD 11095.31
  • RUB 173.84
  • EUR 10772.44

AQShning Virjiniya shtatida yashovchi Brayan Tornxill bezorilik uchun jazo sifatida 10 yoshli o‘g‘lini maktabgacha yomg‘ir ostida yugurib borishga majbur qildi. Holat aks etgan videoga “RIA Novosti” e’tibor qaratdi.

https://www.facebook.com/WarriorCode.us/videos/954412494711630/?t=0

Erkak videoni Facebook’da e’lon qildi. Unda ota og‘ir sumka bilan yomg‘ir ostida yugurib ketayotgan o‘g‘lining izidan mashinada bormoqda. Video to‘rt kun ichida 26 million martadan ko‘proq tomosha qilindi.

Otaning hikoya qilishicha, o‘g‘li maktab avtobusida bezorilik qilgani sababli uch kun davomida undan foydalanishi taqiqlangan. Ota bunga chiday olmagan, shuning uchun o‘g‘lini maktabgacha yugurib borishga majbur qilgan.

Tornxillning so‘zlariga ko‘ra, maktabgacha bo‘lgan masofa 1,6 kilometrni tashkil qiladi. U jismoniy yuklamaning foydasi haqida eslatgan holda, bunday jazolash usulini “ijodiy” deb atagan va bolalarni mas’uliyatga o‘rgatish uchun ularni jazolashdan avval “ijodkor bo‘lish”ga chaqirgan.

Erkakning aytishicha, o‘g‘li shu tarzda bir hafta yuguradi. O‘qituvchilar esa buning natijasida bolaning axloqi yaxshilanganini bildirgan.

Videoga minglab izohlar bildirilgan. Kimdir Tornxillni yomonlagan bo‘lsa, boshqa birov uning xatti-harakatini qo‘llab-quvvatlagan.

Izoh
Asosiy yangiliklar
Dunyo
“Gulja qirg‘ini” — uyg‘urlarni o‘ldirishni boshlagan Xitoy, chechenlarni ommaviy o‘ldirgan rus OMONi va vodorod bombasini botqoqqa tashlagan AQSH samolyoti. Kun xr...
Mahalliy
Toshkent viloyatida avtokran qulashi oqibatida mashinist vafot etgani yuzasidan jinoyat ishi qo‘zg‘atildi
Mahalliy
“Tez yordam mashinasi 5 yilda ikki baravarga ko‘paydi, bitta chaqiruv dorisi 640 so‘mdan 7,5 ming so‘mga oshdi”. “Daryo” tibbiyotdagi o‘zgarishlarni Namangan viloy...