Integrated Systems Europe (ISE) 2018 kompyuter va axborot texnologiyalari xalqaro ko‘rgazmasida, OLED mahsulotlarini ishlab chiqarish bo‘yicha dunyodagi yetakchi LG Electronics (LG) savdo, jamoat joylari va ofislar kabi har qanday biznes sohasiga mos keluvchi vertikal yechimlarni taqdim etadi. Shaffof OLED-displey, OLED-displey, ultra-nozik ramkalar bilan OLED videodevori va boshqa yangi ajoyib mahsulotlarni o‘z ichiga olgan futuristik, moslashuvchan ekranlar ISE mehmonlarini hayratga soladi.

ISE’da LG stendining markaziy elementiga 55 dyuymli shaffof OLED-displey aylanadi, u zamonaviy mahsulot bo‘lib, ustara tig‘idek qalinligi va elegant form-faktori bilan tashrif buyuruvchilarni hayratda qoldiradi. Ammo, ushbu zamonaviy mahsulotning eng hayratlanarli tomoni shaffof OLED-displeydir. Ushbu noyob texnologiya savdo maydonchalari va san’at galereyalarida, ayniqsa, ta’sirchan bo‘lib, u yerda mahsulot OLED-displeydagi video yoki maxsus effektlar orqasida joylashtirilishi mumkin.

LG Open Frame OLED-displeylari ISE 2018’da Kanon ko‘rinishida o‘z imkoniyatlarini namoyish etadi, u botiq hamda bo‘rtib chiqqan konfiguratsiyalardagi 60 Open Frame OLED displeylardan tashkil topgan hayajonli o‘yin zonasidir. Ushbu raqamli ekranlar moslashuvchan OLED form-faktori va mukammal tasvir sifatini ajoyib tarzda namoyish etadi. Open Frame OLED-displeylarining shakli va hajmi har qanday sanoatda qo‘llanilish uchun moslashtirilishi mumkin, masalan, keng ko‘lamli video o‘rnatmalar hamda har qanday tijoriy makonning asosiy tasniflariga mos keladigan axborot ekranlari.

ISE 2018’da LG stendining yana bir yorqin elementi tomosha qilish jarayonida ichiga kirib ketish effektiga ega, qalinligi 0,6 millimetr bo‘lgan Even Bezel videodevori bo‘ladi. Ultra ingichka ramkalar chalg‘ituvchi omillarni yo‘qotadi, bu videodevorni moda va go‘zallik sohasida yuqori sifatli mahsulotlarni reklama qilish uchun ideal qiladi. Shuningdek, LG yorqinligi 1500 kd/m2 (nits) bo‘lgan, faqat aniq va yorqin tasvir uchun mo‘ljallangan, kuchli yoritgichli xonalarga mukammal mos keladigan raqamli videodevorni namoyish etadi.

LG’ning universal digital signage mahsulotlari har qanday ishbilarmonlik muhitiga moslasha oladigan optimal vertikal yechimlar taklif qiladi, hamda kompaniya transport sohasida eng ilg‘or signage yechimlarni taqdim qilib, o‘z imkoniyatlarini kengaytirdi. LG’ning parvozlar haqida ma’lumotni aks ettirish uchun (FIDS) tizimlari keng ko‘lamdagi o‘lcham va yo‘nalishlarda mavjud. Murakkab antiblikli funksiya yo‘lovchilarga parvoz haqida aniq ma’lumotni bir qarashda ko‘rishga imkon beradi, bunda ekranda aks ettirilish chalg‘itmaydi.

LG’dan 86 va 88 dyuymli ultrakeng uzaytirilgan shaklga ega displeylar bir nechta xorijiy tillarda reyslar haqidagi ma’lumotni yoki inspeksiyadan bildirishnomani yetkazish uchun idealdir. UHD tasvir sifatiga ega kengaytirilgan interaktiv raqamli IPS panellar (IDB) kuchli hamkorlik vositalari orqali ish samaradorligini ta’minlaydi. LG’dan IDB yuqori yozish imkoniyatiga ega sensorli interfeys bilan jihozlangan bo‘lib, bu bir necha foydalanuvchiga bir vaqtning o‘zida yozish va maksimal ishlash hamda qulaylik uchun intuitiv tushunarli sensorli texnologiyalar bilan g‘oyalarni erkin almashish imkonini beradi.

LG, shuningdek, Cisco bilan hamkorlikda ishlab chiqilgan videokonferetsiyalar uchun 65 dyuymli UHD-displeyni namoyish etadi. Ushbu zamonaviy B2B yechim LG’ning yuqori sifatli UHD-displeylari va o‘z sanoatida yetakchilik qiluvchi Cisco texnologiyalariga asoslangan.

LG’ning ko‘plab mukofotlar sovrindori bo‘lgan OLED Wallpaper TV televizori otel mehmonlarini lahzalik apgreyd bilan ta’minlaydi, bunda servisning alohida sinfi uchun yashashning istalgan varianti e’tiborga olingan. “Galereya” rejimi bir mehmonxona xonasida san’at asarlarini qulaylik va ajoyib tasvir sifati bilan birlashtiradi. Mehmonxona menejmenti ham Pro:Centric smart platformasiga yuqori baho berishlari aniq, u kontent sozlamasini har bir muassasa ehtiyojiga muvofiq tarzda tahrirlash vositalarini qo‘llab-quvvatlovchi televizorlarga mo‘ljallangan. LG’ning Smart mehmonxona televizorlari texnologiyasiga asoslangan, xonalarda internet buyumlar yechimi esa mehmonlar simsiz pardalar, eshik qulflari, yoritish tizimini Pro:Centric Direct interfeysi yordamida boshqarishlari mumkin ekanini anglatadi.

“Biz B2B signage sohasida global yetakchiligimizdan juda g'ururlanamiz, ammo doimiy ravishda mijozlarimizga bunday ijodiy yechimlarni taklif qilishimiz mumkin ekanidan yanada faxrlanamiz. Bizning asosiy ustuvor yo‘nalishimiz kengroq auditoriyaga, jumladan, chakana, davlat, mehmonxona, ta’lim va transport sohalarida amaliy hamda samarali yechimlarni taklif qilish imkoniyatidir”, — dedi LG Electronics B2B’ning Axborot displeylari bo‘limi rahbari Ku Kvan-mo.

Bundan tashqari, ISE 2018’dagi LG stendida In-glass Wallpaper OLED Signage, ultrakeng displey, High Brightness Signage, 1,5 millimetrli LED-displey va mobil qurilmalar uchun shaffof rangli LED-displeyni o‘z ichiga oluvchi muhim displeylar modellarining keng assortimenti bo‘ladi.

Reklama huquqlari asosida!