Bugun,

  • USD 10940.05
  • RUB 182.26
  • EUR 11121.65

O‘zbekiston Iste’molchilar huquqlarini himoya qilish jamiyatlari federatsiyasi delegatsiyasi joriy yilning 17—23-oktabr kunlari Turkiya Iste’molchilar huquqlari assotsiatsiyasi taklifiga binoan ushbu mamlakatga safar qildi. Bu haqda federatsiya axborot xizmati xabar bermoqda.

Foto: O‘zbekiston iste‘molchilar huquqlarini himoya qilish jamiyatlari federatsiyasi axborot xizmati

Foto: O‘zbekiston iste‘molchilar huquqlarini himoya qilish jamiyatlari federatsiyasi axborot xizmati

Turkiya Iste’molchilar huquqlari assotsiatsiyasi qarorgohida O‘zbekiston Iste’molchilar huquqlarini himoya qilish jamiyatlari federatsiyasi delegatsiyasining ushbu tashkilot rahbariyati bilan uchrashuvi bo‘lib o‘tdi.

Federatsiya raisi va delegatsiya rahbari Jahongir Sarimsoqov tashkilotning iste’molchilar huquqlarini amalga oshirish borasidagi faoliyatiga oid qo‘shimcha ma’lumotlarni taqdim etdi. Har ikkala taqdimot ham qizg‘in muhokamalarga sabab bo‘ldi. Muhokamalar o‘z-o‘zidan o‘zaro hamkorlik istiqbollariga bag‘ishlangan muzokaraga ulanib ketdi.

Muzokara chog‘ida Jahongir Sarimsoqov O‘zbekistonda nodavlat notijorat tashkilotlari faoliyatini rivojlantirishga alohida e’tibor qaratilayotgani, 2014-yilda qabul qilingan “Ijtimoiy hamkorlik to‘g‘risida”gi qonun davlat idoralari bilan nodavlat tashkilotlar o‘rtasidagi hamkorlikni tartibga soluvchi huquqiy baza bo‘lib xizmat qilayotganini ta’kidladi.

Muzokara so‘nggida o‘zaro hamkorlik memorandumi imzolandi.

Memorandumda o‘zaro axborot almashuv, qo‘shma loyihalar va dasturlarni amalga oshirish, tajriba almashish maqsadida ekspertlar va delegatsiyalar almashish, qo‘shma ish guruhi, muvofiqlashtirish va maslahat kengashlari tuzish, simpozium va seminarlar o‘tkazish kabi hamkorlik masalalari ko‘zda tutilgan.

Izoh
Asosiy yangiliklar
Dunyo
Turkiya lirasi yana rekord darajada tushib ketdi
Mahalliy
Buxoroda ayol yuk poyezdi ostida qoldi. U o‘z joniga qasd qilgan
Mahalliy
O‘zbekiston Xitoyga qovun qoqi va loviya eksport qiladi