AQShning Eron yadroviy dasturi bo‘yicha kelishuvdan chiqishi Yaqin Sharq mintaqasidagi vaziyatni keskinlashtirib yuboradi. Bu haqda Berlinda bo‘lib o‘tgan matbuot anjumanida GFR tashqi ishlar vaziri Zigmar Gabriel bayonot berdi, deb xabar qiladi “TASS”.
U Tehron kelishuv shartlariga to‘la amal qilayotganini ta’kidlab o‘tib, AQSh rahbari Donald Trampni kelishuvlarni to‘xtatmaslikka chaqirdi.
“Shu kunlarda AQSh prezidentining Eron bo‘yicha kelishuvning kelajagi yuzasidan qaror qabul qilishi kutilmoqda, — dedi Gabriel. — Biz prezident Eron kelishuvni ijro etmayapti degan qarorga kelishidan xavfsirab turibmiz”.
Uning so‘zlariga qaraganda, rasmiy Berlin bu fikrni teskarisida sobit turibdi:
“Xalqaro tashkilot Eron majburiyatlarini bajarayotganini tekshirgan edi, va har safar MAGATE buni tasdiqlagan edi”.
Izoh (0)