Bugun,

  • USD 11095.31
  • RUB 173.84
  • EUR 10772.44

Lola Karimova-Tillayeva Instagram’dagi sahifasida ilk o‘zbek rassom ayollaridan biri, hayotini san’atga bag‘ishlab, noyob asarlarni yaratgan ijodkor ayol Shamsro‘y Hasanovaga bag‘ishlangan post yozib qoldirdi.

Foto: Instagram/ @lola_tillyaeva

Foto: Instagram/ @lola_tillyaeva

Shamsro‘y Hasanova 1917-yil Toshkentda hunarmandlar oilasida dunyoga keldi. Otasi mohir duradgor, onasi esa kashtachilik san’ati bilan shug‘ullanar edi. 1933-yilda Shamsro‘y Hasanova Toshkentdagi rassomchilik bilim yurtiga o‘qishga kirdi. Bu ta’lim dargohida u mashhur rassomlar A. Volkov, P. Benkov va P. Gan kabilardan tasviriy san’at asoslarini chuqur o‘rgandi. Keyinroq taniqli rassom V. Rojdestvenskiy va M. Shemyakinlardan shu soha bo‘yicha katta bilimga ega bo‘ldi.

Foto: Instagram/ @lola_tillyaeva

Foto: Instagram/ @lola_tillyaeva

1938-yilda Shamsro‘y Hasanova O‘zbekiston Davlat san’at muzeyiga ishga kirdi va bu madaniy maskanda ekskursovod vazifasidan rahbar lavozimigacha bo‘lgan yo‘lni bosib o‘tdi. Aynan muzeydagi faoliyati Hasanovaga tasviriy san’at durdonalari bilan yaqindan tanishish imkonini yaratib berdi. U sharq miniatyurasi san’atini o‘rgana boshladi. Tarixiy portretlarni yaratishga alohida e’tibor qaratib, o‘rta asrlar madaniyati va adabiyoti sohasida faoliyat yuritgan bir qator sharq ayollarining suratini aks ettirdi. Zebuniso, Nodirabegim, Uvaysiy, Mutriba singari shoiralarning obrazi orqali Sharq ayolining ruhiy erkinligini ifoda etishga harakat qildi. Bu mavzu rassomchilik bilim yurtida o‘z yaqinlaridan pinhona ta’lim olgan Shamsro‘y uchun juda yaqin edi.

Shamsro‘y Hasanovaning turmush o‘rtog‘i XX asrning yirik rassomi Chingiz Axmarov sharq go‘zallari portretlarini yaratishda o‘z rafiqasining siymosini aks ettirgan, deyishadi.

Foto: Instagram/ @lola_tillyaeva

Foto: Instagram/ @lola_tillyaeva

Shamsro‘y Hasanova 39 yil umr ko‘rdi. Shu qisqa umr davomida u tasviriy san’atning tarixiy portret yo‘nalishi rivojiga katta hissa qo‘shdi, zamonaviy o‘zbek san’atida birinchilardan bo‘lib natyurmort janriga qo‘l urdi. Uning asarlari xalqaro maydonda namoyish etilgan. Jumladan, 1947-yilda Moskva va Pragada, 1948-yilda Parijdagi ko‘rgazmalarda namoyish etilgan. Shamsro‘y Hasanova tomonidan yaratilgan san’at asarlari O‘zbekiston tasviriy san’ati tarixida o‘zining munosib o‘rnini egalladi.

Izoh
Asosiy yangiliklar
Mahalliy
Samarqandda 2 kishi ovqatdan zaharlanib vafot etdi
Mahalliy
Toshkentda avtobusning yurgan masofasiga qarab to‘lov qilish tizimi yo‘lga qo‘yiladi
Mahalliy
Aholining valyuta ayirboshlashga yoʻnaltirgan pul mablagʻlari hajmi 68 foizga oʻsdi — Markaziy bank