Qatar poytaxti Doha Qatar Airways Cup Match of Champions doirasida bo‘lib o‘tishi ko‘zda tutilgan bellashuvga mezbonlik qildi. Unda Saudiya Arabistoni chempioni “Al-Ahli” Ispaniya chempioni “Barselona”ga qarshi maydonga tushdi.
Bellashuvning birinchi bo‘limida “Barsa” hujum chizig‘idagi trio 1 tadan gol urishga erishdi. Ikkinchi bo‘limdagi o‘zgarishlardan keyin saudiyaliklar ham 3 ta gol urdi va yana 2 ta gol o‘tkazib yubordi.
“Al-Ahli” birgina o‘yin uchun “Al-Ayn”dan Umar Abdulrahmonni ijaraga olgani aytib o‘tilgandi. Saudiyada tug‘ilgan, lekin BAA terma jamoasi sharafini himoya qiladigan futbolchi ham o‘z nomiga gol yozib qo‘ydi. Belgilangan penaltini amalga oshirish aynan uning chekiga tushdi.
Ma’lumot uchun, “Barselona” hisob bo‘yicha yettinchi bor arab jamoasiga qarshi o‘yinda maydonga tushdi. Hozirga qadar faqatgina Kuvayt chempioni “Kazma Sporting” Kataloniya klubi bilan 1:1 hisobida durang o‘ynashga erishgan. Qolgan barcha bellashuvlar “Barsa”ning g‘alabasi bilan yakuniga yetgan.
Qatar Airways Cup Match of Champions 13-dekabr, seshanba
Izoh (0)