Қатар пойтахти Доҳа Qatar Airways Cup Match of Champions доирасида бўлиб ўтиши кўзда тутилган беллашувга мезбонлик қилди. Унда Саудия Арабистони чемпиони «Ал-Аҳли» Испания чемпиони «Барселона»га қарши майдонга тушди.
Беллашувнинг биринчи бўлимида «Барса» ҳужум чизиғидаги трио 1 тадан гол уришга эришди. Иккинчи бўлимдаги ўзгаришлардан кейин саудияликлар ҳам 3 та гол урди ва яна 2 та гол ўтказиб юборди.
«Ал-Аҳли» биргина ўйин учун «Ал-Айн»дан Умар Абдулраҳмонни ижарага олгани айтиб ўтилганди. Саудияда туғилган, лекин БАА терма жамоаси шарафини ҳимоя қиладиган футболчи ҳам ўз номига гол ёзиб қўйди. Белгиланган пенальтини амалга ошириш айнан унинг чекига тушди.
Маълумот учун, «Барселона» ҳисоб бўйича еттинчи бор араб жамоасига қарши ўйинда майдонга тушди. Ҳозирга қадар фақатгина Кувайт чемпиони «Казма Спортинг» Каталония клуби билан 1:1 ҳисобида дуранг ўйнашга эришган. Қолган барча беллашувлар «Барса»нинг ғалабаси билан якунига етган.
Qatar Airways Cup Match of Champions 13 декабрь, сешанба
Изоҳ (0)