Tez orada barpo etiladigan 10 ta hayratlanarli bino (foto)

AdMe ayni paytda barpo etilayotgan va bizni asta-sekinlik bilan yangi davrga olib boradigan binolar loyihalari bilan tanishtirdi.

“Laxta-sentr”, Sankt-Peterburg

Fin bo‘g‘ozi qirg‘og‘idagi 87 qavatli osmono‘par bino “Gazprom neft” rasmiy bosh qarorgohiga aylanadi. U Yevropadagi eng baland bino bo‘lishi kutilmoqda.

Dubai Towers — The Lagoons

Birlashgan Arab Amirliklarining Dubay shahrida joylashadigan ulkan majmua o‘z ichiga suv yo‘llari, portlar, hayratlanarli manzaralar va yangi osmono‘par binolarni oladi.

Tangachasimon minora, Chjuxay (Xitoy)

Chjuxay shahridagi ikkita daryo kesishgan nuqtada 100 metrli tomosha maydoni quriladi. Sal buralgan minoraning ko‘rinishi baliq tanasini eslatadi, u tangachalarga o‘xshash teshik-teshik alyuminiy bilan qoplangan.

“Raqs tushayotgan ajdarlar”, Seul

Seulning Yonsan dahasida qad ko‘taradigan majmua 88 va 77 qavatli ikkita minoradan iborat, ular tashqi tomondan ajdar terisiga o‘xshatib bezatiladi.

Bepoyon shahar, London

Ushbu osmono‘par bino qavatlari o‘ziga xos panduslar yordamida hosil bo‘ladi. Asosiysi, u yerda juda ko‘p yashil hududlar va bog‘lar mavjud bo‘ladi.

Cheksiz uy, Sidney

Qimmatbaho restoranlari bo‘lgan yangi “Infiniti” deb nomlanuvchi serhasham uy Sidneyda qad ko‘taradi.

Yevropa spirali, Bryussel

Ushbu loyihaning nomi va u Bryussel uchun mo‘ljallangani ramziy ma’noga ega, axir aynan shu shaharda Yevroittifoq bosh qarorgohi joylashgan. Loyiha Yevropa hamdo‘stligi mamlakatlarining aloqasi va madaniy qadriyatlarini namoyish qilishga qaratilgan.

City of Dreams mehmonxona majmuasi, Makao (Xitoy)

Yangi 40 qavatli besh yulduzli mehmonxona me’morchilik dunyosining afsonasi — Zaxa Hadidning loyihasi hisoblanadi, shuning o‘zigina u dunyodagi eng g‘aroyib  binolardan biri bo‘lishidan darak beradi.

“Lava” bionik minorasi, Abu-Dabi

Ushbu osmono‘par bino konstruksiyasi nafaqat me’morlar, balki biologlar tomonidan ham ishlab chiqilgan: ular hamkorlikda daraxtlarning o‘sishi tamoyili va ularning himoya mexanizmlariga asoslandi.

Bionik shahar, Shanxay

15 yildan so‘ng Xitoyda 100 ming kishi yashashi uchun mo‘ljallangan minora shahar quriladi. Bionik arxitektura qonunlariga ko‘ra yaratiladigan inshoot yong‘in, suv toshqini, zilzila va bo‘ronga qarshi tura oladi.