Texasda poyezd shamol tufayli avtomobil yo‘liga qulab tushdi

AQShning Texas shtatida joylashgan Lafkin shahrida shamol tufayli yuk poyezdining bir nechta vagoni relslardan chiqib ketib, ko‘prik ustidan avtomobil yo‘liga qulab tushdi. Bu haqda “Gazeta.ru” xabar beradi.

Jabrlanganlar haqida ma’lum qilinmadi. Avtomobil qatnov yo‘li va temir yo‘l hodisadan so‘ng yopib qo‘yildi. Mahalliy politsiya aholiga noqulay ob-havo sharoitida harakatlanishda ehtiyot bo‘lishni va imkoni boricha safarga chiqmaslikni tavsiya qilmoqda.

Hodisa sabablarini o‘rganish bilan Milliy meteorologiya xizmati ham shug‘ullanadi.