O‘zbekiston Afg‘oniston shimolida maktab qurib berdi (foto)

Afg‘onistonning Balx viloyati Mozori Sharif shahrida O‘zbekiston tomonidan 2014-yilda boshlanib 2015-yilda qurib bitkazilgan o‘rta ta‘lim maktabi Afg‘oniston Maorif vazirligiga topshirildi. Bu haqda Facebook foydalanuvchilari ma’lum qilgan.

Xabarga yangi qurib bitkazilgan maktabning bir nechta fotosuratlari ham ilova qilingan. Suratlardan birida maktabga kirish qismidagi yozuv ko‘rsatilgan bo‘lib, unda o‘zbek tilida, arab va lotin yozuvlarida “Ushbu maktab O‘zbekiston xalqidan Afg‘oniston xalqiga sovg‘a sifatida 2014-yilda qurilgan”, deb yozilgan.

Shuningdek, maktab kirish qismidagi “Xush kelibsiz!” va sinf xonalaridan biridagi “Beshikdan to qabrgacha ilm o‘rgan” jumlalari ham arab va lotin yozuvlarida aks ettirilgan.