O‘tgan hafta O‘zbekiston xalq artisti Ozodbek Nazarbekov bilan bog‘liq internetda tarqalgan fotosurat va video shov-shuvlarga sabab bo‘ldi, deb xabar bermoqda “1news.uz”.
“Darakchi” nashri bildirishicha, mazkur videoda taniqli xonanda oqqush, tovus va kabutarlar qotirilgan hamda atrofi taomlar bilan bezatilgan idish qoshida turgani aks etgan. Mazkur antiqa taom O. Nazarbekov buyurtmasi bilan tayyorlangan degan xabarlar tarqalgan.
Gazetaga ko‘ra, Ramazon oyida isrofgarchilik aks etgan bunday foto va videoning tarqalishi e’tirozlarga sabab bo‘lgan. Xonandaning ma’muri esa O. Nazarbekovning bunga aloqasi yo‘qligi, shunchaki xalq xizmatida boshqalar qatori o‘sha taomni tomosha qilganini ma’lum qilgan.
Izoh (0)