AQSh Boltiqbo‘yi davlatlarini Rossiyadan himoya qilish uchun jo‘natgan tanklari Riga portiga yetib keldi

9-mart kuni bortida Vashington tomonidan NATOning Sharqiy Yevropadagi “Atlantika qat’iyati” operatsiyasi uchun jo‘natilgan 100 dan ortiq zirhli texnikasi bo‘lgan AQShning “Liberti Promis” kemasi Riga portiga kirib keldi, deb xabar bermoqda Meduza.

Operatsiyaning maqsadi – Latviya, Litva, Estoniya va Polshani Rossiya tomonidan agressiya harakati amalga oshirilgan taqdirda blokning boshqa a’zolari so‘zda emas, amalda qo‘llab-quvvatlashiga ishontirish ekanligi aytilgan.

Yuqoridagi davlatlarning har birida oltitadan zirhli texnika qoldiriladi. Texnika va harbiy xizmatchilarning asosiy qismi Germaniyada joylashadi. Rossiya bilan chegaradosh NATO davlatlarida yirik harbiy qismlarni joylashtirish ko‘zda tutilmagan.