Afsonaviy bokschi Muhammad Ali o‘zining chempionlik unvonini ilk bora himoya qilganda ishlatgan qo‘lqoplar AQShda kimoshdi savdosiga qo‘yildi, deb xabar bermoqda “Rossiyskaya gazeta”.
Jang tugagach, qo‘lqoplar Men shtati boks uyushmasi rahbari Jorj Russoda qolgan edi. Qo‘lqoplar uzoq vaqt davomida uning oilasida saqlangan, biroq o‘tgan yili ularni Los-Anjeleslik kolleksioner Set Ersoff qo‘lga kiritgan bo‘lib, endilikda kimoshdi savdosiga qo‘ydi. Lot 1 million dollarda qimmatroqqa sotilishi kutilmoqda.
O‘tgan yili Muhammad Ali ilkmarta jahon chempionligiga erishgan jangida ishlatgan qo‘lqoplari 836,5 ming dollarga sotilgan. Muhammad Ali o‘z faoliyati davomida jami 61 ta jang o‘tkazgan bo‘lib, ulardan 56 tasida g‘alaba qozongan va beshtasida mag‘lubiyatga uchragan.
Izoh (0)