Муҳаммад Алининг қўлқоплари кимошди савдосида миллион долларга сотилади

Афсонавий боксчи Муҳаммад Али ўзининг чемпионлик унвонини илк бора ҳимоя қилганда ишлатган қўлқоплар АҚШда кимошди савдосига қўйилди, деб хабар бермоқда «Российская газета».

Жанг тугагач, қўлқоплар Мен штати бокс уюшмаси раҳбари Жорж Руссода қолган эди. Қўлқоплар узоқ вақт давомида унинг оиласида сақланган, бироқ ўтган йили уларни Лос-Анжелеслик коллексионер Сет Эрсофф қўлга киритган бўлиб, эндиликда кимошди савдосига қўйди. Лот 1 миллион долларда қимматроққа сотилиши кутилмоқда.

Ўтган йили Муҳаммад Али илкмарта жаҳон чемпионлигига эришган жангида ишлатган қўлқоплари 836,5 минг долларга сотилган. Муҳаммад Али ўз фаолияти давомида жами 61 та жанг ўтказган бўлиб, улардан 56 тасида ғалаба қозонган ва бештасида мағлубиятга учраган.