Ukrainada “Energiya” (Yangi Kaxovka) va “Olimpik” (Donetsk) klublari o‘rtasida bo‘lib o‘tgan uchrashuv paytida “Energiya” futbolchisi maydonda telefon orqali gap sotdi. Bu haqda “Newsru.com” xabar bermoqda.
15-raqam ostidagi o‘yinchi bir necha bora telefonini olib, kimgadir qo‘ng‘iroq qilib gaplashdi. Uchrashuv hakami qoidabuzarni jazosiz qoldirgan holda hech qanday chora ko‘rmadi.
Yangi kaxovkalik murabbiy Yuriy Okul: “Men hatto bu 15-raqam kimligini ham bilmayman, — dedi. — U bizga ko‘rikdan o‘tish uchun kelgan. U telefonda gaplashib, qandaydir ko‘rsatmalar bergan ekan, demak, u – tajribali futbolchi. Bizning jamoamizga har kuni ko‘rik uchun 7—8 nafar o‘yinchilar keladi, biz ularning hammasi bilan hatto tanishishga ham ulgurmaymiz”.
O‘yinning o‘ziga kelsak, “Olimpik” o‘yinchilari 2:1 hisobdagi g‘alabasini nishonladi. Ushbu muvaffaqiyat ketma-ket kelayotgan g‘alabalarning to‘rtinchisi bo‘ldi.
Izoh (0)